Den pakistanske valkommisjonen seier at Musharraf ikkje får delta i valet fordi det er reist saker mot han i domstolane. Han er tiltalt i to drapssaker, og høgsterett vurderer om han skal tiltalast for høgforrederi.
Ei av sakene som retten vurderer hans rolle i, er drapet på dåverande statsminister Benazir Bhutto i 2007 og drapet på ein mektig stammeleiar i delstaten Baluchistan. Sjølv seier Pesharraf at sakene mot han er grunnlause og politisk motiverte.
Vil anke til høgsterett
Det skal ikkje vere mogleg for den tidlegare presidenten å anke avgjerda, seier ei kjelde i valkommisjonen til nyheitsbyrået Reuters.
Advokaten hans seier likevel at Musharraf vil anke avgjerda til høgsterett. Observatørar trur likevel ikkje det er mykje å hente for han der. Musharraf prøvde utan helle å fjerne mannen som no er leiar for høgsterett frå stillinga då han var president.
Musharraf, som tok makta i eit militærkupp i 1999 og sat som president til 2008, kom sist månad
frå eit fire år langt sjølvpålagt eksil i London og Dubai.- I strid med grunnlova
Partiet hans tapte valet i 2008, og høgsterett avgjorde at presidenten hadde innført unntakstilstand i strid med grunnlova. Med ein trussel om eit mogleg riksrettssak mot seg reiste han frå landet
Pakistanske styresmakter sa på førehand at han risikerte å bli arrestert når han kom tilbake, og den islamistiske opprørsgruppa Taliban sa dei ville ta livet av han.
Pervez Musharraf har framleis mange tilhengjarar i hæren, og mange fryktar at hæren skal gripe inn dersom Musharraf blir arrestert eller dømd.
LES OGSÅ:
LES OGSÅ:
Demokratisk test
Når denne regjeringsperioden i Pakistan går ut, er det første gong at ei sivil, demokratisk valt regjering har blitt sitjande i heile valperioden. Dette etter fleire tiår med militærdiktatur i landet.
Parlamentsvalet i mai blir sett på som ein test om det blir mogleg å vidareføre dette i neste fireårsperiode.
Pervez Musharraf har sett parlamentsvalet i mai som ein måte å kome tilbake til pakistansk politikk. Ironisk nok er tidlegare statsminister Nawas Sharif, som Musharraf avsette i kuppet i 1999, favoritt til å bli ny statsminister i landet.
Mange drepne på valmøte
Det er likevel stor frykt for at valkampen skal bli prega av vald. Tysdag vart 20 menneske drepne i valuro fleire stader i Pakistan. 16 vart drepne og 35 såra i eit bombeangrep mot eit valmøte i byen Peshawar i den nordvestlege delen av landet.
LES OGSÅ:
LES OGSÅ: