Samtalane skal halde fram laurdag, melder nyheitsbyrået Reuters og siterer diplomatiske kjelder.
Det er særleg Tyrkias statsminister Recep Tayyip Erdogan som har store problem med å godta den danske statsministeren som ny toppsjef i forsvarsalliansen.
Erdogan meiner Fogh ikkje er ein god nok kandidat.
- Eg tvilar på hans evne til å bidra til verdsfreden, sa Erdogan tidlegare i dag.
Det synest klart at Fogh Rasmussen si rolle i kaikaturstriden og den danske motstanden mot tyrkisk medlemskap i EU, er viktige årsaker til Erdogans motstand.
I dag trekte han også fram det faktum at den kurdiske TV-stasjonen Roj sender frå Danmark.
- Vi vil ikkje ha eit svekt NATO. NATO er ein organisasjon som har som oppgåve å sikre fred. Men talerøyret for ein terrororganisasjon sener frå Danmark. Korleis kannokon som ikkje set ein stoppar for dette, sikre fred, spør Erdogan.
LES OGSÅ: