NRK Meny
Normal

Nå grilles toppsjefar om russisk innblanding i USA-valet

FBI-direktør James Comey skal vitne for etteretningskomiteen i kongressen.

FBI-direktør James Comey og NSA-sjef Mike Rodgers vitner i den første offentlige høringen om Russlands påståtte innblanding i presidentvalget i fjor.

Tema for høyringa er både Russlands hacking under det amerikanske valet, Trump-medarbeideres påståtte band til Russland og den påståtte avlyttinga av Trump Tower.

Skulle FBI-sjefen avvise at det har skjedd avlytting av Trump, kan det bli pinleg for presidenten, som fleire gangar har nekta å ta tilbake påstanden han kom med på Twitter 4. mars, skriv CNN.

Laster Twitter-innhold

Skal granske russisk hacking

I tillegg til avlyttingspåstanden til Trump, vil etteretningskomiteen i Representanthuset granske påstandane om russiske hackarar var med å påverke presidentvalet.

Søndag kveld uttalte leiaren for etterretningskomiteen, Devin Nunes, at det ikkje finst bevis for at staben til Trump hadde noko hemmeleg samarbeid med Russland fram mot valet.

US-POLITICS-RUSSIA-INTELLIGENCE

Sjefen for den mektige avlyttingsorganisasjonen NSA, Michael Rodgers, skal også vitne.

Foto: JIM WATSON / AFP

FBI og NSA sjefane skal bli grilla

Høyringa byrjar i dag med FBI-direktør James Comey og NSA-sjef Mike Rodgers.

«National Security Agency» er dei som driv med signaletteretning i USA.

Det blir første gang de vil måtte svare på spørsmål om de påståtte banda mellom fleire av Trumps nære medarbeidarar og russisk etterretning og myndigheiter.

Begge kammer skal granske

I januar skulda FBI Russland for å hacking av Demokratenes nasjonalkomite, og antyda at formålet var å hjelpe Trump med å vinne valet.

Skuldingane utløyste ei gransking i Kongressen, og etterretningskomiteane i begge kammer undersøkjer saka. Både 20. og 28. mars skal saka opp til høyring på Capitol Hill.

For at ein president skal kunne setje i verk ei avlytting, må det liggje føre ein hemmeleg rettsordre.

– Heksejakt

Russland har avvist skuldingane og kallar det ei heksejakt.

Thomas Frank

Historikaren Thomas Frank meiner demokratane i USA overdriv skuldingane om russisk hacking av presidentvalet.

Foto: Larry D. Moore / Wiki

Dei får støtte av den amerikanske historikaren Thomas Frank.

Han meiner at demokratane overdriv spionasjeskuldingane, for å forklare kvifor dei tapte presidentvalet.

– Demokratane er overtydde om at dei gjorde ingenting feil. I USA vil dei skulde på Russland. Russiske spionar stal alt frå oss!

Han understrekar at ingen veit kva som eigentleg har skjedd, men at lekkasje av e-postane til Hillary Clinton gjennom Wikileaks, ikkje var nok til å endre valresultatet.

– Sjølvsagt ikkje, Trump sine skandalar var mykje større, mykje større, du kan ikkje samanlikne e-post skandalen med noko av det Trump gjorde.

Laster innhold, vennligst vent..
Laster innhold, vennligst vent..

SISTE NYTT

Siste nytt