Ein konvolutt med kvitt pulver har også vorte sendt til kontoret til den tidlegare borgarmeisteren i New York City, Rudolph Giuliani, opplyser politiet i verdsmetropolen. Heller ikkje dette pulveret var farleg.
Eitt av hotella som fekk tilsendt pulveret var Econo Lodge hotell i Carlstadt, New Jersey. Direktøren for hotellet, Eylem Naik, seier at styresmaktene har testa pulveret og sagt at det var ufarleg.
– Alt er under kontroll, dei forlet hotellet akkurat no, sa han til nyheitsbyrået Reuters ved 20-tida norsk tid.
Det er stor frykt for terror før arrangementet, og politiet har stengt av eit stor område rundt MetLife Stadium i fleire dagar.
Super Bowl, den store festdagen i amerikansk fotball, går på MetLife Stadium i East Rutherford i New Jersey førstkomande søndag mellom Denver Broncos og Seattle Seahawks. Begge laga bur på hotell i nærleiken av stadion.
Super Bowl er den mest sette sportshendinga i USA. Byar over heile landet konkurrerer om å vere vert for finalekampen, men arrangementet har dei siste åra også vorte .
