Regjeringa vil at danskane skal leva lenger. Difor blir det frå den 1.januar neste år dyrare å drikka vin, øl, eta søtsaker og å røykja i Danmark.
– Det sunne valet skal vera det enklaste, og det usunne valet dyrare. Det er naudsynt dersom me vil sikra danskane fleire leveår, seier sunnheits- og førebyggingsminister Astrid Krag, ifølgje avisa Politiken.
Øl-avgifta opp 25 prosent
Forslaget om å auka avgiftene blir lagt fram av den danske finansministeren torsdag, ifølgje Danmarks Radio.
Avgifta på øl skal ifølgje den nye finanslova stiga med 25 prosent. Dermed blir prisen på ein kasse øl 147 danske kroner, opp sju kroner frå dagens pris. For ei vinflaske må ein ut med tre kroner meir.
Sjokolade og andre søtsaker blir også dyrare. Kiloprisen på sjokolade stig blant med seks danske kroner.
Prisen på ein sigarettar vil også stiga, men her er avgiftsauken meir moderat. Ein sigarettpakke vil kosta 42 danske kroner etter avgiftsauken, tre kroner meir enn i dag.