NRK Meny
Normal

Minst 44 drepne i kampar i Jemen

I eit forsøk på å gjenerobre al Qaida-kontrollerte område skal 44 menneske ha blitt drepne i intense kampar i Jemen i dag.

Forsvarsminister i Jemen, Major General Muhammad Nasir Ahmad i Zinjibar

Forsvarsminister i Jemen, Mihammad Nasir Ahmad, leier ein storstilt aksjon i fleire veker for å gjenerobre al Qaida-kontrollerte område i landet. Så langt er over 250 menneske omkomne.

Foto: HANDOUT / Reuters

Minst 44 menneske er drepne i kampar mellom den jemenittiske hæren og al Qaida-assosierte opprørsgrupper sør i Jemen i dag.

Hæren har gått til omfattande åtak på ei al Qaida-base i byen Jaar. Samstundes raste kampar mellom jihadistar og lokale militsar i fleire andre byar, ifølgje kjelder.

LES: Al Qaidas nye hovedkvarter?

Også sivile drepne

Medlemar av Ansar al-Sharia, ei al Qaida-assosiert gruppe i Jemen

AL QAIDA: Medlemar av Ansar al-sharia, ei al Qaida-assosiert gruppe, køyrer gjennom gatene i den sørlege byen Jaar i Jemen i april i år.

Foto: STRINGER / Reuters

Tjuefem islamistiske militante skal vere blant dei døde. 13 blei drepne i luftåtak i Jaar og 12 i dei kampane som raste i byen Loder, ein annan by i den urolege Abyan-provinsen.

I Jaar skal også to sivile vere blant dei drepne, medan to soldatar og fem væpna innbyggjarar døydde i Loder, ifølgje vitne og militære kjelder.

Aksjon mot al Qaida

Jemenittiske styrker trappa laurdag opp ein stor militær aksjon for å gjenerobre tettstader og byar som al Qaida har teke kontrollen over, mellom anna hovudstaden i Abyan, Zinjibar.

Ifølgje kjelder førte kampane i helga til at 37 væpna opprørarar med band til al Qaida blei drepne, men desse tala er ikkje stadfesta.

LES: Barn drept av veibombe i Jemen

LES: Ambassadør angrepet i Jemen

Ein militær tenestemann seier til nyheitsbyrået Afp at 12 soldatar er blitt drepne sidan operasjonen blei trappa opp laurdag, medan ifølgje nettstaden til det jemenittiske forsvarsdepartementet skal seks soldatar ha blitt drepne i kampane.

Intens aksjon over fleire veker

Samanstøyt mellom hæren og opprørsgrupper med band til al Qaida har gått føre seg i fleire veker.

LES: Dobbeltagent avslørte al-Qaida-plan

LES: Jemenittisk Al Qaida-leder drept i droneangrep

Over 250 menneske skal ha blitt drepne etter at myndigheitene intensiverte aksjonen mot dei militante opprørarane.

Regjeringa skuldar militantgruppene for å ha gått til åtak på ein militærleir nær Lawdar førre månad.

Laster innhold, vennligst vent..
Laster innhold, vennligst vent..

SISTE NYTT

Siste nytt