– Den einaste moglege forklaringa er at noko utanfor har påverka flyet, sa Metrojets visedirektør Alexander Smirnov på ein pressekonferanse i dag.
Men han møter motstand frå gruppa som undersøker flyets «svarte boks». Ei kjelde i gruppa seier at flyet sannsynlegvis ikkje vart treft av noko utanfrå.
- LES OGSÅ:
– Det er lite sannsynleg, men eg utelukker det ikkje, seier han til nyheitsbyrået AP.
Metrojet har fått søkelyset på seg etter at 224 menneske døde i flyulukka laurdag. Det er kome fram at selskapet har hatt ei lengre rekkje tryggleiksmanglar. Det skriv nyheitsbyrået AP.
Bytta namn etter dødsulukke i 2011
Og selskapet, som før heitte Kogalymavia, bytta til og med namn etter ei mindre flyulukke i 2011, då tre menneske døde og over 40 vart skadde etter at eit transportfly starta å brenne rett før det skulle lette.
- LES OGSÅ:
Flyselskapet var under sovjettida ein del av flyselskapet Aeroflot, som var eit statleg selskap som hadde monopol i Sovjetunionen. Først flaug selskapet innanriksruter, men har etter kvart utvida sitt nett til charterdestinasjonar.
Flyet som styrta laurdag var 18 år gamalt, og hadde tidlegare vore utsett for ei lita hending i 2011, då halen trefte bakken under ei landing i Kairo. Det er stilt spørsmål ved flyets tryggleik, mellom anna frå enka til den eine co-piloten, som har sagt til den russiske TV-kanalen at mannen hennar hadde klaga over flyets tekniske tilstand.
Men flyselskapet er klare på at det ikkje var flyets tekniske tilstand eller flymannskapet sin feil at flyet styrta.
- LES OGSÅ:
– For tidleg å seie noko om årsak
Den eigentlege årsaka er framleis i det blå, og i Russland seier styresmaktene at det førebels er altfor tidleg å seie noko om årsaka.
– Dette snakket er ikkje basert på ordentleg fakta, seier leiaren for det russiske byrået for luftfart, som tilsvar til Metrojets påstand om at ulukka ikkje kan skuldast feil frå fly eller mannskap.
- LES OGSÅ:
Ekspertar frå Egypt og Russland samarbeider for å finne grunnen til flystyrten. Og i dag tilbyr også USA eksperthjelp i arbeidet med å finne årsaka.