Juan Guaidó, som eigentleg er president i nasjonalforsamlinga, erklærte seg nyleg som president fram til eit nytt presidentval. Han skulda Maduro for å ha juksa seg til siger i det siste valet, og han krev at Maduro må trekkje seg og lyse ut nytt presidentval..
Dermed ser begge på seg sjølve som den rettmessige presidenten i det krise-herja landet, og i dag var tilhengjarane til begge to mannsterkt ute i gatene i Caracas.
Avviser nytt presidentval
Maduro og hans støttespelarar aviser blankt kravet om nytt presidentval, og Maduro forsikrar om at presidentvalet der han vart attvald, gjekk rett føre seg. Fleire vestlege land, blant anna USA, har gjort det klart at dei reknar
i Venezuela. Maduro får støtte frå blant andre Russland, Kina og Iran.I dag samla begge to tilhengjarane sine i Caracas og i fleire andre byar i Venezuela. Fleire hundre tusen menneske deltok i markeringane, og i Caracas var det store folkemassar som demonstrerte til støtte for begge dei to presidentane.
Guaidó tok opp att kravet om nytt presidentval, medan Maduro på si side foreslo å forsere parlamentsvalet. Valet på ny nasjonalforsamling skal etter planen skje først i 2020.
Opposisjonen har fleirtal i nasjonalforsamlinga i dag, og Maduro harselerte i talen sin om det «borgarlege» fleirtalet i parlamentet.
Ny mønstring 12. februar
Dette er langt frå nok for opposisjonen, og Guaidó varsla ei ny stormønstring mot Maduro 12. februar i sin tale til tilhengjarane sine. Søndag går fristen EU har sett til Maduro om å lyse ut nytt presidentval, ut.
Det verka ikkje som om den fristen uroar Maduro i særleg grad. Han har fått fornya sjølvtillit av det store frammøtet til markeringa i dag, og ikkje minst etter å ha fått støtte frå land som Russland og Kina.
Nicolás Maduro og støttespelarane hans markerte i dag 20-årsdagen for at Hugo Chávez kom til makta i Venezuela og starta det sosialistiske eksperimentet i landet. Opposisjonen meiner systemet Chavez innførte, og som Maduro har halde fram, har øydelagt det meste av næringslivet i landet.
Arbeidsløyse er enorm og svært mange har flykta frå Venezuela. Økonomien er i fritt fall, og trass i store oljeressursar er det krise også i denne næringa.
Støtte frå hæren
Like fullt viste massemønstringa i dag at Maduro framleis har stor støtte. Han har i stor grad hæren bak seg,
.I støttedemonstrasjonen for Maduro var det plakatar med bilete av generalen med teksten «svikar» på.
Elles var markeringa prega av enorme folkemengder, fargerike banner og plakatar, og med venezuelanske flagg i alle storleikar. Det var også mange bilete av Hugo Chávez på å sjå, og Maduro hylla den avlidne presidenten i talen sin.