NRK Meny
Normal

Madsen erkjenner likskjending

Den danske oppfinnaren Peter Madsen vedgår å ha gjort seg skuldig i likskjending. Det seier Madsen sin advokat. I dag vil Madsen forklare seg i retten.

Peter Madsen foran ubåt

I ettermiddag skal den drapssikta danske oppfinnaren Peter Madsen i retten, der påtalemakta vil be om forlenga varetekt.

Foto: Hougaard Niels / AP

Madsen er sikta for aktlaust drap og for likskjending. Han har sete varetektsfengsla sidan 12. august. I dag vil påtalemakta be retten om å forlengje varetektsfengslinga.

Madsen nektar straffskuld for drap, men han vil i retten i dag erkjenne likskjending, ifølgje avisa BT. Forsvararen hans, Betina Hald Engmark, seier til avisa at han vedgår likskjending i og med at han dumpa Kim Wall i havet.

Madsen vil også be om at han blir sett fri frå varetekt.

Peter Madsen og Kim Wall på Nautilus

Petter Madsen og Kim Wall på ubåten UC3 Nautilus 10. august.

Foto: RITZAU FOTO

Vil forklare seg

– Det er ikkje snakk om at min klient frivillig vil la seg fengsle lenger. Og han ønskjer no å forklare seg i retten, seier Engmark til danske TV 2.

Peter Madsen med politiet

Peter Madsen har forklart til politiet at Kim Wall døydde i ei ulukke om bord i ubåten.

Foto: Bax Lindhardt / Scanpix Danmark / NTB scanpix

– Når ein nektar seg skuldig i drap, vil ein ikkje la seg fengsle frivillig, seier Engmark.

Madsen reiste ut frå København i den privatbygde ubåten UC3 Nautilus ved 19-tida torsdag 10. august. Men på turen var den svenske journalisten Kim Wall (30). Wall skulle lage ein reportasje om Madsen for eit amerikansk magasin.

Har endra forklaring

I løpet av natta blei Wall meld sakna av kjærasten. Dagen etter blei båten funnen i Køge Bugt sør for København. Båten gjekk ned, og Madsen kom seg i land. Der blei han pågripen av politiet.

Politiet sine undersøkingar viste at båten blei senka med vilje.

Madsen forklarte først at han hadde sett Wall i land ved Refshaleøen, der turen starta. Seinare endra han forklaring. Han sa då at Wall døydde som følgje av i ulukke om bord, og at han dumpa henne i havet.

Denmark Crime Submarine

Kriminalteknikarar undersøkte ubåten etter at båten var løfta inn på land.

Foto: Jacob Ehrbahn / AP

Ei og ei halv veke etter at ho blei meld sakna, blei Wall sin kropp – utan armar, bein og hovud, funnen ved Amager i København.

Rakettar og ubåtar

I Danmark er Peter Madsen mest kjent under namnet «Rakett-Madsen». Den store draumen hans var å skyte seg sjølv ut i verdsrommet i ein heimelaga rakett.

Då ubåten UC3 Nautilus blei sjøsett i København 3. mai 2008, var det den største privatbygde ubåten i verda. Det hadde tatt Madsen tre år å byggje båten, og prislappen blei 1,5 millionar kroner.

Laster innhold, vennligst vent..
Laster innhold, vennligst vent..

SISTE NYTT

Siste nytt