Orkanen gjer at romferja må avbryte ferda si i rommet og vende tilbake til jorda ein dag tidlegare enn planlagt.
Landinga skal finne stad på Cape Canaveral i Florida søraust i USA klokka 18.32 norsk tid tysdag, opplyser den amerikanske romfartsadministrasjonen NASA.
Mannskapet på "Endeavour" kobla romferja frå den internasjonale romstasjonen ISS allereie søndag.
Sjå også:
Tar ingen sjansar
NASA fryktar at "Dean" skal komme inn over delstaten Texas sør i USA og gjere det umogleg for bakkekontrollen i Houston å leiie innflyginga til romferja.
Sjølv om dette verka lite truleg måndag, ville ikkje romfartssjefane ta sjansar.
- Ingen ting er nokon gong sikkert med ein storm som denne, men akkurat no ser det bra ut. Faren for at Houston skal bli ramma, er i alle fall mindre no enn den har vore dei siste par dagane, sa sjefen for romfartsleiinga, John Shannon.
Les også:
Sjekkar varmeskjoldet
Før heimreisa vart varmeskjoldet som skal beskytte "Endeavour"
mot den enorme heten som oppstår når ferja kjem inn i atmosfæra, sjekka nok ein gong.
NASAs fagfolk ville sikre seg om at skjoldet ikkje vart skadd av laus isolasjon under oppskytinga 8. august.
Sjå også:
I 2003 førte skadar på varmeskjoldet til at romferja "Columbia" gjekk i oppløysing og stryrta rett før den skulle lande.
Alle dei sju om bord mista livet. Skadane hadde oppstått under oppskytinga.