297 menneske omkom i jordskjelvkatastrofen i det sentrale Italia natt til 24. august. Mange landsbyar i regionane Lazio, Marches, Umbria og Abruzzo vart fullstendig øydelagde i skjelvet, som målte 6,0 til 6,2 på jordskjelvskalaen.
– Vil skal byggje opp igjen landet vårt etter skjelvet slik at det blir like vakker, kanskje vakrare enn før, sa statsministeren på ein pressekonferanse i Roma i dag.
Renzi gjorde det klart at skjelvet gjorde stor materiell skade også i landsbyar der det ikkje er meldt om omkomne.
3000 menneske er heimlause etter naturkatastrofen, og 2500 av desse bur i teltleirar. Det å få menneske ut av teltleirane og inn i meir permanente bustader, har topp prioritet for den italienske regjeringa. Renzi lovar at det blir gjort eit stort løft for å få folk ut av desse leirane alt denne helga.
– Det faktum at det har fått ein månad sidan skjelvet, har gjort at det ikkje lenger er like stort fokus på situasjonen. Men det tek ikkje bort sorga til familiane til dei som miste livet, og det er plikta vår å ta hand om dei, sa Renzi blant anna på pressekonferansen.