– Vi er blitt vane med dette. Desse sprengingane skremmer meg ikkje, og eg har opplevd dette mange gonger før i mi levetid, seier ho til NRK.
Ho er ein av få i gatene denne seine onsdagskvelden i ti minusgrader. Kontrasten er stor til jublande nordkoreanarar i Pyongyangs gater tidlegare i dag, etter at det var annonsert at Nord-Korea hadde utført ei prøvesprenging av ei hydrogenbombe, ei type kjernefysisk våpen som er langt kraftigare enn atomvåpen.
- Les også:
– Uroa for følgene
Kwoon trur at prøvesprenginga handlar meir om å legge press på det internasjonale samfunn enn å angripe Sør-Korea.
– Dessutan har Nord-Korea mange andre skjulte motiv. Kanskje dei vil ha pengar eller naudhjelp. Då kan ei slik sprenging vere ein måte å presse verda utanfor slik at dei får viljen sin, seier ho.
Då er Beanji Lim er meir uroa for følgene dette kan få.
– Eg vil at dette skal slutte. Broren til bestevenninna mi drog i militæret for eit par veker sidan. Så eg er mest uroa for han, seier den unge jenta.
Seinast i august i fjor var det artilleritrefningar på grensa, med fleire skadde sørkoreanske soldatar.
Hastemøte i FN
Fleire ekspertar meiner at dette ikkje kan vere ei hydrogenbombe, slik Nord-Korea hevdar.
- Les også:
Det har kome kraftige reaksjonar frå fleire land i løpet av dagen, også frå Kina, som speler ei hovudrolle når det gjeld korleis ein skal handtere dette.
Kina har lenge forsøkt å få Nord-Korea tilbake til forhandlingsbordet i dei såkalla seksnasjoners-samtalane, og har vore veldig tydelege på at dei er mot Nord-Koreas utvikling av atomprogrammet.
- Les også:
Dei er også uroa for spenningane dette fører med seg ettersom Sør-Korea, Japan og USA som er deira allierte vil trappe opp sitt nærvære i Nord-Asia.
No er spørsmålet korleis Kina vil stille seg til dette i FNs tryggingsråd, som i ettermiddag har innkalla til eit hastemøte grunna prøvesprenginga.