Latvias statsminister Einars Repse har varsla regjeringa sin avgang. (AFP/Scanpix-foto)
Sentrum/høgre-regjeringa til Einars Repse vart redusert frå tre til to parti i parlamentet, då sentrumspartiet Latvia Først trekte seg frå samarbeidet, etter at det kom fram skuldingar mot statsministeren om korrupsjon.
Latvia Først-partiet støtta forslaget om å setje ned ein parlamentarisk komite som skulle gå gjennom skuldingane om at statsministeren hadde kjøpt fleire eigedomar på svært gunstige vilkår.
Einars Repse svarte med å sparke partileiaren i Latvia Først, Ainars Slesers, frå stillinga som visestatsminsiter, noko som igjen førte til at partiet trekte seg frå regjeringa.
Einars Repse si regjering vil halde fram som eit forretningsministerium fram til president Vaira Vike-Freiberga har utpeikt ei ny regjering.
Avgangen til regjeringa skjer mindre enn tre månader før Latvia blir full medlem i EU. Vike-Freiberga prøvde i kveld å avdramatisere situasjonen, og sa til latvisk fjernsyn at alt ville går føre seg som før til det var utpeikt ei ny regjering.
Han hadde alt starta jakta på ein ny statsministerkandidat, og å konsultere dei politiske partia i parlamentet.