Den viktigaste opposisjonsgruppa i Syria, SNC, seier at 250 menneske er drepne i løpet av dei siste 48 timane. Dei krev at Tryggingsrådet held eit krisemøte for å diskutere det dei kallar den syriske hæren sine massakrar i Zawiyah-fjellet, i Idlib-distriktet og i Homs.
Også i går var det ein svært , spesielt i Idlib-distriktet.
Skyting mot demonstrantar
Ein syrisk soldat viser sigersteiknet medan han blir kasta i vêret under ein støttedemonstrasjon i Damaskus.
Foto: Muzaffar Salman / ApVideoen over skal vise skyting mot demonstrantar i storbyen Homs, ein by som har vore eit senter for oppstanden mot Assad-regimet. Ein mann som sat bak rattet i den parkerte bilen sin, skal ha blitt skoten av ein snikskyttar.
SNC krev også eit nytt krisemøte om Syria i Den arabiske liga, og ber ligaen samarbeide med Tryggingsrådet om å ta dei nødvendige stega for å verne syriske sivile. Dei ber om oppretting av sikre soner i Syria, og at soldatane trekkjer seg tilbake frå ein del område.
Samstundes har USA åtvara den syriske regjeringa om at det kan bli iverksett nye internasjonale tiltak for å stanse blodbadet i landet. I ei frå segn frå Det kvite hus heiter det at Syria har brotet løftet om å stanse valden, og om å trekkje tryggingsstyrkane sine tilbake frå bustadområde.
LES OGSÅ:
– Utanlandske krefter
Fleire tusen menneske deltok i ein støttedemonstrasjon for Bashar al-Assad i Damaskus i dag.
Foto: LOUAI BESHARA / Afp
Syrias president Bashar al-Assad er hardt pressa både internt i Syria og frå utlandet.
Foto: - / AfpRegimet til Bashar al-Assad skuldar opposisjonen for å samarbeide med utanlandske krefter som har som mål å undergrave fredsavtalen som vart inngått med Den arabiske liga tidlegare denne veka. Etter den avtalen skal 150 observatørar frå ligaen sleppe inn i morgon torsdag for å i landet.
Det er vanskeleg å danne seg eit fullstendig bilete av situasjonen i Syria. Utanlandske journalistar slepp ikkje inn i landet, og dermed er det berre regimet sin versjon som kjem fram, saman med det opposisjonsgruppene går ut med. Uavhengige rapportar er det vanskeleg å få ut.
5000 drepne
FN reknar med at rundt 5000 menneske er drepne i Syria sidan uroa starta i midten av mars i år.
I dag var det også ein stor demonstrasjon til støtte for Bashar al-Assad i hovudstaden Damaskus. Fleire tusen menneske deltok, og det vart ropt slagord også til støtte for den syriske hæren.
LES OGSÅ:
LES OGSÅ:
