Det gamle papirbyråkratiet til Sovjetunionen får sin renessanse i Russland i kjølvatnet av lekkasjane frå Wikileaks, og Edward Snowden sine avsløring av massiv amerikansk overvaking, melder nyheitsbyrået AFP.
Den føderale vakttenesta i Kreml (FSO), som mellom anna har ansvar for å beskytte president Vladimir Putin, har planar om å bruke 90.000 kroner på 20 skrivemaskinar for bruk til hemmeleg kommunikasjon.
Dei seier det ikkje lenger er trygt å bruke datamaskinar til å behandle topphemmelege dokument.
Sporbar signatur
Alle skrivemaskinane kjem til å ha ein unik signatur, slik at det vil enkelt å spore kvar dokumenta stammar frå, ifølgje nyheitsbyrået.
Ei anonym kjelde fortel til den russiske avisa Izvestia at avsløringane om at NSA avlytta statsminister Dimitrij Medvedev under eit G20-møte i London førte til at russiske styresmakter bestemte seg for å auke bruken av papirdokument.
Russland reagerte sterkt på desse avsløringane, men uttalte at dei hadde midlar til å beskytte seg sjølv.
Avgjersla av å satse meir på skrivemaskinar etter avsløringar om at NSA overvaka Dimitrij Medvedev sin kommunikasjon under G20-møtet i London.
Foto: Ap– Primitivt er best
Skrivemaskinar vert allereie nytta av forsvarsdepartementet og ulike tryggingstenester, ifølgje nyheitsbyrået RIA Novosti. Dei skal bli nytta for topphemmelege meldingar til presidenten eller forsvarsministeren.
– All form for elektronisk kommunikasjon er sårbar ved omsynet til nasjonal tryggleik, seier tidlegare sjef i FSO Niklai Kovalev til Izvestia.
Edward Snowden er etter alt og døme framleis på flyplassen i Moskva.
Foto: The Guardian / Reuters– Det finst måtar å beskytte elektronisk kommunikasjon på, men det er aldri 100 prosent sjanse for at det vil virke. For å beskytte hemmeleg informasjon, er den primitive metoden den beste: ei menneskehand med ein penn eller ein skrivemaskin, seier Kovalev.
Snowden framleis i Russland
Varslaren Edward Snowden er etter alt å døme framleis på Sheremetyevo-flyplassen i Moskva, etter å ha flydd frå Hongkong. President Valdmir Putin har gjenteke ved fleire høve at russiske styresmakter ikkje har fått informasjon frå Snowden under det 19 dagar lange opphaldet hans på Moskva-flyplassen.
Snowden stadfesta sjølv at han ikkje har gitt informasjon til russarane ifølgje The Guardian.
