– Vi må revurdere situasjonen. Brenninga er ikkje avlyst, den er berre utsett, seier Jones ifølgje nyheitsbyrået AFP.
I går kveld
av koranar på årsdagen for terrorangrepa mot USA 11. september 2001.Soldatar i fare
Han sa då at dette vart bestemt kort tid etter at han hadde snakka med forsvarsministeren i USA Robert Gates. Jones snudde i saka då Gates slo fast overfor han at koranbrenninga ville sette amerikanske soldatar i fare.
Han sa også at arrangementet vart avlyst fordi muslimske leiarar har gått vekk frå planane om å byggje eit islamsk senter og ein moské ved Ground Zero i New York.
Vil ikkje ha moské
Men då denne avtalen enno ikkje er spikra, har Jones sagt at han vil reise til New York for å møte imamen ved den aktuelle moskéen. Han håpar å gjere ein byttehandel.
– Det amerikanske folk vil ikkje ha moské der, og muslimar vil ikkje at vi skal brenne Koranen, seier han.
Men imamen har nekta å avlyse bygginga av moskéen som er planlagt reist to og eit halvt kvartal unna der World Trade Center stod fram til terrorangrepa i 2001.
- Les også: Mener moské er hån mot heltene
Karzai: – Tenk deg om
Jones leiar den evangelisk kristne kyrkjelyden The Dove World Outreach Center i Florida. Han har varsla at han og dei 50 medlemmene av kyrkjelyden vil brenne totalt 200 eksemplar av Koranen utanfor kyrkja deira i byen Gainsville laurdag.
Laurdag er det ni år sidan angrepa mot World Trade Center og Pentagon.
I dag har Afghanistan-president Hamid Karzai åtvara Jones mot å brenne Koranen. Han ber Jones om å tenke seg om to gonger før han tenner på.
Planane har vekt raseri og fordømming i store deler av verda.
Fordømmer brenning
USA-president Barack Obama har åtvara mot kva konsekvensar brenninga kan få.
– Dette er ein rekrutteringsfest for al-Qaida, sa han til TV-kanalen ABC, og oppfordra pastoren til å vurdere brenniga på nytt.
Utanriksminister i USA Hillary Clinton fordømmer planane saman med NATO-generalsekretær Anders Fogh Rasmussen, EU, tidlegare presidentkandidat Sarah Palin og skodespelar Angelina Jolie.
Etter at brenninga vart kjent har kyrkjelyden likevel fått tilsendt fleire Koranar i posten.