- Janukovitsj villig til å diskutere nyval

Den ukrainske opposisjonsleiaren Vitalij Klitsjko seier at det er håp om å få til eit vegkart for å få slutt på valden i Kiev. Presidenten skal vere villig til å diskutere nyval.

Demonstrant skyt stein med sprettert i Kiev.

Demonstrantane tek i bruk mange metodar for å ramma tryggingsstyrkane, blant anna sprettert.

Foto: DMITRY SEREBRYAKOV / Afp

Statsministeren i Polen, Donald Tusk, seier at dei tre utanriksministrane frå EU som er i Kiev, arbeider på eit dokument som gir håp om ein slutt på valdsbruken. Polens utanriksminister Radoslaw Sikorski representerer EU i Kiev saman med sine tyske og franske kollegaer, Frank-Walter Steinmeier og Laurent Fabius.

Vitaly Klitsjko

Opposisjonsleiaren Vitalij Klitsjko har håp om at det kan bli semje om eit vegkart for å få slutt på valden.

Foto: DAVID MDZINARISHVILI / NTB Scanpix

Forhandlingane er vanskelege, men det skal vere gjort framsteg. Det er lite truleg det blir ein avtale i løpet av kvelden, seier Laurent Fabius i kveld. Det blir eit nytt møte med Janukovitsj i løpet av kvelden. Den polske utanriksministeren seier at viktige spørsmål enno ikkje er løyste.

– Vanskelege forhandlingar

Tusk seier til nyheitsbyrået Reuters at Ukrainas president Viktor Janukovitsj er viljug til å diskutere med EU-ministrane eit forslag om at det skal haldast nyval i landet i løpet av året.

Utanriksministrane frå Tyskland, Frankrike og Polen møtte i dag ein hardt pressa Janukovitsj i Kiev, samstundes som gatekampane raste i sentrumsgatene. både Noreg og EU har vedteke å innføre sanksjonar mot Ukraina, spesielt retta mot enkeltpersonar i maktapparatet.

Opposisjonsleiaren Vitalij Klitsjko seier i ein kommentar at det ikkje ligg føre noko resultat av forhandlingane enno, men at det er håp om å kome fram til eit vegkart i løpet av kvelden.

Polens statsminister Donald Tusk.

Polens statsminister Donald Tusk meiner eit forslag frå EU kan få slutt på valdshandlingane i Ukraina.

Foto: BEN GURR / Afp

– Dei tre ministrane er i Kiev, der dei diskuterer eit dokument, som gir håp om at det kan bli slutt på valdsbruken. Janukovtisj er viljug til å diskutere eit nyval på både president og parlament i løpet av året, seier Donald Tusk.

Det at Janukovitsj skal trekkje seg og utlysing av nyval har vore dei viktigaste krava frå opposisjonen i Kiev.

Mange drepne i dag

Det er i kveld uvisst kor mange som er drepne i gatekampane i Kiev i dag. Styresmaktene i Kiev seier at 67 menneske er drepne sidan tysdag, medan helsearbeidarar i opposisjonen seier at minst 60 demonstrantar har mist livet berre i dag, dei fleste av dei av skotskadar. Andre kjelder har sagt at over 100 har mist livet i dag.

Helsedepartementet opplyser at 13 politimenn er drepne sidan tysdag, og at tre av dei er drepne i dag.

Felles appell

Russlands president Vladimir Putin har i kveld snakka med Tysklands forbundskanslar Angela Merkel og Storbritannias statsminister David Cameron om krisa i Ukraina. Ifølgje pressetenesta i Kreml sa Putin er dei tre samde om ein appell om at Ukraina må finne ei fredeleg, politisk løysing på konflikten i landet.

Den russiske presidenten meiner at ekstremistar og terroristar er ansvarlege for blodbadet i nabolandet.

Steinfeld direkte i Dagsrevyen 21

KIEV: Hans-Wilhelm Steinfeld rapporterer

Saka blir oppdatert

LES OGSÅ: Reiser hjem til Ukraina for å hjelpe: – Jeg er sint

LES OGSÅ: - Verste blodbadet i Kiev sidan andre verdskrigen

LES OGSÅ: Desperat EU-diplomati etter blodbad i Kiev

LES OGSÅ: – De har langt flere å sørge over nå

Presidentvalget kort forklart

3. november 2020 velger USA sin neste president. President Donald Trump stiller til gjenvalg for Republikanerne. Joe Biden stiller som presidentkandidat for Demokratene. Rekordmange amerikanere stemmer via post i år, og vi vet ikke når resultatet blir klart. Trump sier han ikke stoler på poststemmene. Samtidig mener Demokratene at man skal bruke lenger tid enn vanlig på å telle opp nettopp disse. Mange frykter kaos i ukene etter valget. Hva skjer om Trump ikke aksepterer et nederlag?
Grupper som Proud boys og Antifa har fått mye oppmerksomhet den siste tiden. Den ekstremistiske hatgruppen Proud boys jublet da president Donald Trump sa «stand back and stand by» i den første presidentdebatten. Samtidig forbereder Boogaloo bois seg på borgerkrig, mens medlemmer av Antifa på venstresiden er villige til å bruke vold i kampen mot rasister og fascister. Kan valget utløse en krig mellom disse gruppene? Og er de farlige?
3. november 2020 velger amerikanerne sin neste president. Donald Trump stiller til gjenvalg for Republikanerne. Joe Biden stiller som presidentkandidat for Demokratene. Ved forrige presidentvalg vant Trump til tross for at Hillary Clinton fikk flest stemmer. Hvordan kan det skje? Her er to ting du må vite for å forstå USA-valget.

SISTE NYTT

Siste nytt