Russisk journalist i koma etter å ha blitt banka opp

Ifølgje avisa Kommersant var det to personar som angreip Kashin utanfor hans eigen heim i Moskva.

Dei meiner det var eit drapsforsøk, eitt av fleire liknande i Russland, melder nyhetsbyrået AFP.

– Kashin vart alvorleg skadd og er lagt inn på sjukehus. Dei komande dagane vil han vere i kunstig koma, skriv Kommersant.

Medvedev krev straff

Journalisten har fått brotskader i kjeven og har hjerneristing. Begge beina er brotne og både fingrane og skallen er skadde.

– Det går klart fram at dei som gjorde dette, ikkje likar det han seier og det han skriv, seier redaktør i avisa Mikhail Mikhailin til radiostasjonen Moscow Echo.

President Dmitri Medvedev har gitt ordre om at den russiske riksadvokaten Yury Chaika og Innanriksminister Rashid Nurgalijev sjølve går inn i etterforskinga av saka.

– Dei som står bak dette, må bli straffa, seier Medvedev.

Les: Krever granskning av journalistdrap

Opposisjonsreporter

30 år gamle Kashin spesialiserte seg i å skrive om demonstrasjonar, opposisjonsmøte og aktivitetar i ungdomsgrupper. Han dekte også det Medvedev føretok seg for avisa Kommersant.

Den siste tida hadde han følgt motstanden mot bygginga av ein motorveg gjennom Khimki-skogen utanfor Moskva, som Medvedev har satt på vent etter stort press frå folket.

Kommersant er ei av dei mest leste avisen i Russland, og skriv mest om økonomi og politikk. Både journalistar og aktivistar, som har demonstrert mot motorvegen, er tidlegare angripne.

• Les: Russisk opposisjonsavis kan bli stengt av myndighetene
  
• Les: - Dette er rovdyrene mot pressen

52 journalistar drepne

Fleire dusin journalistar er banka opp eller til og med drepne i Russland etter at Sovjetunionen kollapsa. Lokalavisredaktøren Mikhail Beketov mista ein fot og fleire fingrar etter eit overfall i 2008.

Ifølgje den New York-baserte Committee to Protect Journalists er 52 journalistar drepne i Russland sidan 1992.

Mest kjend er Anna Politkovskaja, som vart skoten i sin eigen heim for fire år sidan. Framleis er ingen straffa for å ha drepe henne.

– Så lenge våre journalistar blir banka opp eller truga, kan vi ikkje ha demokrati eller ein rettsstat i Russland, seier sjefen for Moscow Helsinki Group, Lyudmila Alexeyeva, til nyheitsbyrået Interfax.

• Les også: Politkovskayas død etterforskes mer
  
• Les også: Anklager Tsjetsjenias president for drap