Det har den siste tida versert hardnakka rykte om at den nordkoreanske diktatoren Kim Jong-il er alvorleg sjuk.
Dette er truleg årsaka til at nordkoreansk fjernsyn har viste bilete av leiaren. Men det berre snakk om stillbilete, og det er umogleg å stadfeste at dei er ferske.
Bileta viser Kim, som også er øvste leiaren for dei væpna styrkane, som inspiserer ei militærøving.
Han er kledd i sivil, og han ser relativt sprek ut. Observatørar har likevel lagt merke til at han held den eine handa rett ned på bileta, noko som kan tolkast som om at han verkeleg har hatt slag.
Det blir elles sagt at det ser ut som Kim Jong-il har gått ned nokre kilo, men at det ut frå bileta ikkje er noko som tyder på at han har har hatt ein hjerneoperasjon. Dette har det også vore heftige spekulasjonar om den siste tida.
Japansk etterretning, som ofte har vist seg å ha god informasjon om situasjonen i det lukka landet Nord-Korea, meiner at Kim har hatt slag, men at han framleis har full kontroll over makta i andet.
Den nordkoreanske leiaren er også fotografert under ein fotballkamp, men det blir ikkje opplyst kvar eller når bileta er tekne.