– Eg vil gjerne med audmjuke, og ikkje arroganse, be NATO og USA stogga sine operasjonar i landet vårt, sa Karzai då han laurdag besøkte slektningane til ni born som skal ha blitt drepne i eit NATO-åtak.
Dei ni borna blei drepne i eit luftåtak i Kunar-provinsen aust i Afghanistan i byrjinga av mars. NATO har innrømt å stå bak åtaket, og seierborna blei forveksla med opprørssoldatar.
- LES OGSÅ: Obama beklager barnedrap
– Me er eit svært tolmodig folk, men no er tolmoda vår brukt
opp, fortsette han.
Ein afghansk gut i nærleiken av eitt av kontrollpunkta til dei internasjonale styrkane i Helmand-provinsen i Afghanistan.
Foto: ADEK BERRY / AfpBlodigaste året
Fjoråret var det blodigaste året for sivile i Afghanistan, ifølgje ein ny rapport frå menneskerettsorganisasjonen Afghan Rights Monitor i Kabul.
Konflikten tok livet av sju sivile kvar dag i Afganistan i 2010. Til blei 2421 sivile drepne.
Dødstala er dei høgaste sidan internasjonale styrkar tok seg inn i landet for ni år sidan.
I eit intervju med Channel 4 News i starten av mars, innrømte Karzai at det er ein viss «friksjon» mellom han sjølv og hans vestlege allierte, først og framst i synet på militære operasjonar.
Den afghanske presidenten har gjentekne gonger kritisert dei utanlandske styrkane sine drap på sivile. Han meiner dei militære operasjonane ikkje er føremålstenlege.
240 000 på flukt
I tillegg til døde og skadde, er 240 000 afghanarar registrerte som interne flyktningar.
Flyktningehjelpen, som er Noreg sin største humanitære organisasjon i Afghanistan, er svært uroa over situasjonen.
– Me åtvarar mot at både tryggingssituasjonen og den humanitære situasjonen kan bli verre i 2011. Alle partar i konflikten har eit ansvar for å hindra at sivile vert angripne, drepne eller skadde, sa generalsekretær Elisabeth Rasmusson i ei pressemelding i februar.
