Fem år etter at Muhammed-karikaturane blei trykte for fyrste gong, kjem dei ut på nytt. Torsdag publiserer den tidlegare kulturredaktøren I Jyllands-posten, Flemming Rose, «Taushetens tyranni» – ei ny bok som inneheld dei 12 omstridde teikningane.
– Eg gjer ikkje dette for å krenkja nokon. Desse teikningane er ein del av historia, seier Rose på ein pressekonferanse i København.
- LES OGSÅ:
Fryktar terror
Høge stålgjerder, vaktar, politi og videoovervaking er kvardagskost for dei tilsette ved Jyllandsposten sitt kontor utanfor Århus.
Karikaturteikningane som blei publiserte i den danske avisa 30.september 2005, skapte ei bølgje av vald i heile verda. Demonstrasjonane var blant anna kraftige utanfor den danske og den norske ambassaden i Jakarta i Indonesia.
No stormar det rundt avisa på ny.
- LES OGSÅ:
Danskane fryktar flaggbrenning, nye terrortrugslar og eit dårleg rykte i den muslimske verda som følgje av den nye boka. Aller størst er frykta for at nokon skal setja terrorplanar ut i livet på dansk jord, eller at danske interesser i utlandet skal verta mål for terrorverksemd.
– Få har analysert kva teikningane eigentleg viser. Det er det eg gjer i detalj i denne boka, seier forfattaren sjølv.
Krisemøte i den danske regjeringa
Den danske utanriksministeren, Lene Espersen har kalla inn alle dei muslimske ambassadørane til krisemøte med regjeringa.
– Me ønskjer å fremja ei forståing mellom ulike religionar, difor vil me gjera alt det me maktar for at ingen skal kjenne seg krenkja eller håna, seier ho.
- LES OGSÅ:
- LES OGSÅ:
Ifølgje avisa Vårt Land viser ei fersk meiningsmåling at 48 prosent av danskane i dag meiner det var riktig av Jyllandsposten å trykkje teikningane i 2005, medan 38 prosent meiner det var feil.
Støtter boka
Den norske stortingsrepresentanten Akhtar Chaudry (SV) tykkjer det er unødvendig av Rose å bringe opp att dei kontroversielle karikaturteikningane.
– Eg er tilhengar av ytringsfridom, men ingen ytring kan koplast heilt ifrå korleis den vert fortald og tolka. Livet til soldatane våre og diplomatene våre kjem i fare ved å trykke desse teikningane på ny, påpeiker han.
- LES OGSÅ:
Vebjørn Selbekk, konstituert sjefredaktør i kristenavisa DagenMagazinet. meiner derimot at det er bra at teikningane vert trykte på nytt.
NETT-TV: Vebjørn Selbekk ser fram til å lese Flemming Roses bok.
– Avismediet er ein viktig formidlar av det frie ord og demokratiske rettar. Det er eit faresignal at eit avishus har vorte eitt av dei framste terrormåla i verda, seier Selbekk.
