Den islamistiske opprørsgruppa Taliban
, ein by med rundt 300.000 innbyggjarar, etter eit overraskingsangrep måndag denne veka. Regjeringsstyrkane trekte seg tilbake til flyplassen, og Taliban heiste flagget sitt i sentrum av byen.Innbyggjarar i byen fortel at regjeringssoldatar i heile dag har gått frå dør til dør i sentrum på jakt etter talibanar.
Amerikanske soldatar
I dag tidleg norsk tid sa ein talsmann for det afghanske innanriksdepartementet, Sediq Sediqqi, at dei hadde
, og at Taliban hadde lide store tap. Taliban avviser meldingane, og seier at det framleis går føre seg harde kampar i byen.Ein talsmann for den internasjonale styrken i Afghanistan, oberst Brian Tribus, stadfestar at amerikanske spesialsoldatar har kjempa saman med regjeringsstyrkane i Kunduz, men at dette skjedde i sjølvforsvar.
Den internasjonale styrken har overlate det militære ansvaret i landet til regjeringsstyrkane, men deltek framleis med opplæring og rådgjeving
Ifølgje nyheitsbyrået Reuters har regjeringsstyrkane teke kontroll over sentrum av byen, men at det er kampar i fleire andre bydelar. Innbyggjarar i byen seier til nyheitsbyrået at soldatane har fjerna Taliban-flagga i sentrum og erstatta dei med afghanske flagg.
– Taktisk manøver
Ein talsmann for Taliban seier at dei har trekt seg tilbake til utkanten av byen, og at dette er ei taktisk manøver slik at dei blir i stand til å omringe regjeringsstyrkane og dei utanlandske soldatane som støttar dei.
Ein lege i byen, Abdul Ahad, sa på telefon til Reuters tidlegare i ettermiddag at det er mange døde Taliban-krigarar i gatene, men at det også er mange opprørarar igjen inne i ein del offentlege bygningar i byen. Mange har også søkt tilflukt i private heimar.
Det afghanske forsvarsdepartementet seier at 150 talibanar vart drepne og rundt 90 såra i kampane i natt og i dag tidleg. Også 30 sivile skal vere drepne, medan sjukehuset i Kunduz opplyser at dei har behandla 340 såra.
Mange drepne
Hjelpeorganisasjonen Legar utan grenser (MSF) stadfestar at minst 40 personar er drepne, men meiner at det reelle dødstalet er langt høgare.
Innbyggjarar kan fortelje om mangel på mat og i områda der dei hardaste kampane har vore, og at det var kraftige drønn gjennom heile natta og føremiddagen
Då Taliban erobra Kunduz måndag, var det den første større byen dei har teke kontroll over sidan den USA-leidde invasjonen i 2001, då Taliban vart fjerna frå makta.