Ein anonym EU-diplomat seier til nyheitsbyrået Reuters skal eitt av dei seks namna kuttast ut før lista blir sendt over til FNs generalsekretær Kofi Annan. Han skal avgjere saka i samarbeid med framtredande medlemer av Tryggingsrådet.
NATO-ambassadør Kai Eide er blant kandidatane til stillinga som FN-sjef i Kosovo. (Scanpix-arkivfoto)
Blant dei andre kandidatane er franskmannen Alain Le Roy, EUs tidlegare spesielutsending til Makedonia. Ein annan er italisnske Stefano Sanino, som tidlegare har vore leiar for Beograd-kontoret til OSSE, Organisasjonen for samarbeid og tryggleik i Europa.
Ein kandidat er Pieter Feith frå Nederland, Balkan-rådgjevar for EU-kommmissær Javier Solana og NATO-utsending til Makedonia.
Den tidlegare FN-administratoren for Kosovo, finske Harri Holkeri, trekte seg tidlegare denne veka på grunn av dårleg helse. Han var tidlegare statsminister i Finland.
Holkeri møtte sterk kritikk for at FN ikkje greidde å stanse dei kraftige samanstøyta mellom kosovoalbanarar og serbarar i mars, der 19 menneske vart drepne.
Den anonyme EU-diplomaten seier at EU ikkje har nonkon klar favoritt, men at dei truleg vil gå inn for ein EU-borgar med godt kjennskap til Balkan.