Jemens president i Saudi-Arabia

Hadi reiste frå Jemen under vern av saudiarabiske soldatar, melder stasjonen, som har saudiarabiske eigarar. Det er venta at Jemen vil stå øvst på saklista under det arabiske toppmøtet i Sharm el-Sheikh i Egypt laurdag.

Det er venta at toppmøtet vil vedta å gå til militær intervensjon mot Houthi-militsen i Jemen, slik utanriksministrane gjekk inn for i dag.

I natt varsla Saudi-Arabia saman med fleire andre land i Persiabukta at dei vil gå til krig mot den iranskstøtta Houthi-militsen, som har teke kontroll over store område i Jemen.

Houthi-militsen på frammarsj

I går tok over militsen, eller grupperingar frå den jemenittiske hæren som støttar dei, flyplassen i Aden, den viktigaste hamnebyen i Jemen. Det var også kampar inne i Aden, og det vart retta angrep mot residensen der presidenten har opphalde seg sidan han flykta frå hovudstaden Sana i februar. Opprørarane tok også kontroll med ein flybase i Aden.

Avviser at presidenten har flykta frå Jemen

Det at Aden var direkte trua, fekk Saudi-Arabia til å reagere. I natt norsk tid varsla landet at dei går til krig mot Houthi-militsen. I dag vart det klart at også fleire andre land i området deltek i militæroperasjonen mot den sjiamuslimske militsen.

USA, Storbritannia, Egypt, Tyrkia, Sudan og Pakistan har gitt si støtte til militæraksjonen, medan Iran har fordømt den væpna aksjonen på det sterkaste. Egypt har sagt at dei vil delta saman med land som Jordan, Sudan, Dei sameinte arabiske emirata, Qatar, Bahrain, Kuwait, Jordan, Marokko og Sudan.

Iransk åtvaring

Pakistan har sendt ei tydeleg åtvaring til Iran mot å engasjere seg militært mot Saudi-Arabia. Statsminister Nawaz Sharif sa at alle truslar mot Saudi-Arabia vil føre til «ein kraftig reaksjon» frå Pakistan. Landet vil sende ein delegasjon, inkludert militære ekspertar, til Riyadh fredag.

Iran har reagert sterkt på dei saudiarabiske luftangrepa mot flyplassen i den jemenittiske hovudstaden Sana i dag, der mange sivile vart drepne . Iran har fått støtte frå Assad-regimet i Syria og frå Hizbollah i Libanon. Hizbollah, som deltek i borgarkrigen i Syria på Assad-regimet si side, er i hovudsak bygd opp og finansiert av Iran.

ei tydeleg åtvaring til Iran

– Har hendene fulle

Midtausten-ekspertar trur ikkje at Iran vil engasjere seg direkte i konflikten i Jemen, eller at dei vil utfordre Saudi-Arabia militært. Seniorforskar Kjetil Selvik ved Chr. Michelsens Institutt seier til NTB at sjølv om iranarane er veldig irriterte, så er dei neppe viljuge til å ofre sine eigne interesser i innspurten av atomforhandlingane.

Han peikar vidare på at Iran har hendene fulle med krigane i Irak og Syria, og at Jemen relativt sett ikkje er så viktig for landet.

Saudi-Arabia har på si side erklært ei flyforbodssone over Jemen.

Frykt for storkrig i Jemen