Jeger starta gigantbrann i California

Den enorme skogbrannen som har herja i områda ved nasjonalparken Yosemite i California, starta truleg ved at ein jeger tende opp eit bål.

Dette opplyser US Forest Service . Det er sjølvsagt strengt forbode å tenne bål i skogsområda på denne tida av året. Jegeren kan vente seg eit heitt møte med politi og rettsvesen, om han blir identifisert.

Skogbrann i Yosemite, California

Skogbrannen har herjet de enorme skogområdene ved nasjonalparken Yosemite siden 17. august.

Foto: Mike McMillan / Ap

Forest Service håpar at den vidare etterforskinga vil føre dei fram til jegeren som ulovleg tende eit bål ute i skogen, og seinare ikkje sløkte elden skikkeleg etter seg.

Fem største i California

Brannen starta 17. august og har brent ned rundt 960.000 mål, noko som gjer han til den femte største i Californias historie. Flammane har herja i utkanten av Yosemite nasjonalpark, men verksemda i parken har berre i liten grad vore hindra av brannen.

På denne tida er det stor turisttrafikk i nasjonalparken, som er full av attraksjonar. Blant dei mest kjende er fjellformasjonen «El Capitan»

Pr. I dag er 80 prosent av brannen sløkt, men over 4000 brannfolk jobbar på harde livet for å sløkkje resten.

Ikkje marihuanaplantasje

Det har tidlegare vore spekulert i om at brannen kunne ha starta i ein illegal marihuanaplantasje, som det skal vere fleire av i dette området. Men Forest Service seier no at det ikkje er noko som tyder på at jegeren som starta brannen, er involvert i marihuanadyrking.

LES OGSÅ: Skogbrann herjer i California

LES OGSÅ: Voldsom skogbrann truer strøm- og vannforsyningen i San Fransisco

SISTE NYTT

Siste nytt