Israel varslar kraftig hemn

Hæren arbeider med førebuingane, seier statsminister Ehud Olmert.

Olmert samla det mektige tryggingskabinettet i regjeringa i dag for å vurdere korleis Israel skulle svare på angrepet.

Alt tyder på at Israel vil gå til nye harde angrep mot Gazastripa for å svekkje Hamas ytterlegare, og for å vise at landet ikkje tolererer angrep over grensa.

Det var i natt nye israelske flyangep på smuglartunnelar mellom Egypt og Gazastripa. Ingen vart skadd i angrepa, opplyser palestinske kjelder.

Å få øydelagt tunnelane var eit av hovudmåla for den israelske krigen mot Hamas, som starta 27. desember i fjor.

Det at forsvarsminister Ehud Barak har utsett eit besøk hos sin amerikanske kollega i Washington, er noko som peikar i same retning. Barak skulle eigentleg ha reist til USA alt i dag.

Dei siste dagane har det blitt klart at mange av desse tunnelane er fullt operative igjen, og meldingar frå Gazastripa i føremiddag seier at arbeidet med tunneleane er i full gang igjen etter bombinga i natt.

Innyggjarane på Gazastripa brukar tunnelane til å smugle inn alt frå mat og brensen til våpen.

Video: - Israel ønsker ikke fredsavtale.

Denne videoen er dessverre ikke tilgjengelig. Kontakt oss dersom du har spørsmål.

I føremiddag kom den president Barack Obamas spesialutsending til Midtausten, George Mitchell, til Jerusalem, etter at han først hadde møtt Egypts president Hosni Mubarak i Kairo.

Her sa Mitchell at det viktigaste no er å sikre at våpenkvila på Gazastripa blir styrkt og samkøyrt mellom partane.

Samstundes har den palestinske presidenten Mahmoud Abbas gått til harde utfall mot Israel og krigføringa på Gazastripa. På ein pressekonferanse i Ramallah i går kveld sa han blant anna at den israelske offensiven mot Gazastripa viser at leiarane i landet ikkje ynskjer nokon fredsavtale.

I morgon får Abbas besøk av George Mitchell.

1300 palestinarar vart drepne i dei israelske angrepa mot Gazastripa i perioden 27. desember til 21. januar.