Ifølgje fengselsmyndigheitene oppfordra den palestinske leiaren Marwan Barghouti til ei ny bølgje med sivil motstand mot det israelske regimet.
Fem livstidsdommar
Fatah-leiaren Barghouti sonar fem livstidsdommar for medverknad til drap på israelarar i okkuperte område.
Barghouti var tidlegare generalsekretær i Fatah på Vestbreidda og spelte ei sentral rolle under den andre intifadaen.
LES:
LES:
Han har også blitt dregen fram som ein mogleg arvtakar etter den palestinske presidenten Mahmoud Abbas.
Ein av mange i israelske fengsel
Den palestinske sjølvstyrarmyndigheita gir opp at det i dag sit 5800 palestinarar i israelske fengsel.
Blant dei er 35 kvinner, 285 mindreårige og 260 som sit utan dom, i det israelarane kallar administrativt fangenskap.
Fengselsmyndigheitene i Israel har ovanfor den israelske menneskerettsorganisasjonen B'Tselem gitt litt andre tal, men også der er talet i overkant av 5000 fangar.
LES:
LES:
22 av dei innesperra er medlemar av det palestinske parlamentet, av dei 19 som er knytt til Hamas.
Ifølgje ein talsmann for fengselet, er leiaren Barghouti plassert i isolasjon i ei veke som straff for å ha oppmoda til opprør.