Det braut ut panikk da to sjølvmordsbombarar sprengde seg sjølv i lufta i ei travel gate i ein forstad sør i Beirut.
Forstaden Bourj al-Barajneh er kontrollert av den sjiamuslimske militsgruppa Hizbollah.
Ifølgje tryggingskjelder skjedde eksplosjonane med nokre minutt mellomrom midt i rushtida.
Ifølgje libanesiske Raude kors er 37 drepne og minst 181 skadde.
Journalist Louisa Loveluck frå den britiske avisa The Daily Telegraph, skriv på Twitter at ein video på Youtube viser når den andre bomba går av.
Nabolaget har tidlegare vore råka av terror
Den libanesiske sjiamuslimske militsen Hizbollah, som kjempar i Syria saman med regjeringsstyrkar, kontrollerer store område i det sørlege Beirut.
Området som blei ramma torsdag, har tidlegare blitt utsett for sjølvmordsangrep, og militante sunnimuslimske grupper har truga med å utføra fleire angrep.
Samtidig er dette ein multikulturell og folkerik forstad. Det ligg også ein palestinsk flyktningleir like ved.
IS hevdar å stå bak
Dei sunnimuslimske islamistane IS, la ut ei kunngjering på internettsida «Isdarat», der dei tok på seg skulda for angrepa.
Treng blod
Raude kors sende ut ein appell om at folk måtte gje blod, og mange har flokka til blodgjevarsentera.
Samtidig ber styremaktene folk om å halde seg unna området på grunn av tryggingssituasjonen.