Bebuarar og demonstrantar kasta murstein og andre gjenstandar på spesialpolitiet då dei rykte inn i leiren klokka 8 i dag tidleg. Leiren, som ligg i Essex i England, har vore heimen til fleire hundre medlem av «det irske reisefolket».
Elektrisiteten i leiren vart stengt av før politiet gjekk inn. Dei som protesterte skulda politiet for å stengje av straumen til livsnaudsynt legeutstyr til dei eldre bebuarane.
- LES OGSÅ:
- LES OGSÅ:
– Dette kjem til å bli ein seig og lang kamp. Me har tapt heimen vår, men er framleis fri i hjarta. Styresmaktene kan putte oss i fengsel, men dei kan ikkje forandre hovuda eller hjarta våre. Fordi me er eit fritt folk, seier bebuaren Mary Slattery som var ein av dei som blei kasta ut.
Ein av demonstrantane vert frakta vekk av styresmaktene.
Foto: CARL COURT / AfpBBC-journalist Jeremy Cooke, som er på innsida av leiren, skildrar situasjonen som svært dramatisk. Demonstrantane skal vere i sterkt mindretal i høve til politiet.
– Dei har møtt stor motstand her. Demonstrantane som har kasta stein har blitt «provoserte» av politiet. (skotne med elektrosjokkvåpen)
Politiet har no begynt å hente demonstrantar ned frå eit 12 meter høgt tårn som bebuarane har bygd i leiren, skriv BBC.
Dei reisande eig store delar av området der leiren er etablert, men konflikten med dei lokale styresmaktene går på at dei ikkje har fått formelt løyve til å byggje på jorda.
Utkastinga skjer etter at avgjersla om å kaste folket ut på måndag blei endeleg vedteke.
