Iransk journalist avretta

42 år gamle Ruhollah Zam vart arrestert i 2019 etter fleire år i eksil i Frankrike. Der levde han under strenge tryggingstiltak.

Revolusjonsgarden hevdar at dei arresterte Ruhollah Zam i ein kompleks operasjon. Mens irakisk etterettning hevdar at det var dei som arresterte han då han landa i Bagdad i fjor. Og at dei så utleverte han til Iran

Ruhollah Zam dreiv nyheitstenesta Amadnews på Telegram frå 2015, og hadde over ein million følgjarar.

I juni i år vart han skulda for å vere «kontrarevolusjonær» og ha band til fransk etterretning, og dømt til døden.

Zam vart funne skuldig i å ha oppmuntra og eggja til dei omfattande demonstrasjonane som gjekk føre seg rundt årsskiftet 2017/2018.

Fredag stadfesta høgsterett dødsdommen.