På Twitter skriv ministeren at angrepa vart gjort i sjølvforsvar i samsvar med artikkel 51 i FN-pakta, som omhandlar retten til individuelt eller kollektivt sjølvforsvar mot væpna angrep.
– Vi ønsker ikkje ein opptrapping eller krig, men vi vil forsvare oss mot kvar og ein aggresjon, skriv Zarif.
Natt til onsdag kom fleire angrep mot amerikanske styrkar på irakisk jord. Minst to irakiske basar med amerikanske og allierte soldatar vart angripe berre timar før den iranske generalen Qasem Soleimani vart stedd til kvile. Det er ikkje stadfesta nokon omkomne.
Ifølgje ein iransk statleg fjernsynskanal avfyrte Teheran eit titals rakettar mot flybasen Ain al-Assad, som hemn etter at USA likviderte Soleimani i eit droneangrep fredag.
«Denne morgonen har modige krigarar frå Irans Revolusjonsgarde gjennomført ein vellykka operasjon kalla «Operasjon Martyr Soleimani» ved å avfyre eit titals rakettar mot basen til terroristar og invaderande amerikanske styrkar», melde det iranske nyheitsbyrået ISNA i natt ifølgje ABC News.
