Dei internasjonale nyheitsbyråa sende ut hastemeldingar straks nyheita kom om at Oljefondet droppar ein femdel av oljeinvesteringane, og går ut av reine leite- og produksjonsselskap.
Den europeiske oljeindeksen var ned 1,6 prosent. Og prisane på eit fat nordsjøolje fall med 1,4 prosent.
Ei rekkje oljeselskap opplevde kursfall i minutta som følgde. Oljegigantane BP gjekk ned med 1,9 og Shell med 2,2 prosent. Equinor gjekk ned rundt 2 prosent på Oslo Børs.
Marknaden feiltolka
Marknaden tolka dei første meldingane som at alle selskap som driv med olje- og gassverksemd kom til å bli råka.
- Les også:
Det førte til at verdien av selskapa fall, sjølv om verken BP, Shell og Equinor er blant dei selskapa Finansdepartementet no foreslår å ekskludere.
Skal framleis investere i olje og gass
Finansdepartementet presiserte sidan at planen er å berre trekkje ut Oljefondet frå dei reine leite- og produksjonsselskapa. Oljeforndet skal framleis ha investeringar i olje- og gasselskap dersom dei har gjort investeringar i fornybvar energi.
Desse investeringane er på rundt 223 milliardar kroner.
Det medførerer at Oljefondet framleis skal eige aksjar i selskap som Exxon, Shell og BP.
Regjeringa si avgjerd vil gjelde 134 selskap som Oljefondet i dag har investert 70 milliardar kroner i.