Theresa May hadde med seg brexitminister David Davis då ho kom til EU-hovudstaden Brussel. Møta med leiinga i EU måndag er blitt sett på som heilt avgjerande for ein framtidig avtale om å forlate EU.
May gjekk rett i møte med EU-kommisjonens president Jean-Claude Juncker og EU sin sjefforhandlar, Michel Barnier.
– Eit par-tre uløyste spørsmål
– Det har vore framgang i forhandlingane, men vi har ingen avtale enno, sa Juncker då han møtte pressa saman med Theresa May måndag ettermiddag.
- Les også:
Han sa at det framleis er eit par-tre spørsmål som er uløyste, og at han har tru på at dei skal bli samde seinare i veka.
– Dette er ikkje eit nederlag, la han til.
Målet er å avklare det som er nødvendig å avklare i god tid før EU-toppmøtet 15. desember.
- Podkasten «Krig og fred» om brexit:
Theresa May sa at ho var overbevist om at Storbritannia og EU skal komme fram til ein avtale.
Statsminister Theresa May og EU-president Donald Tusk før dei gjekk i møte i Brussel måndag ettermiddag.
Foto: FRANCOIS LENOIR / Reuters– Konstruktivt møte
– Som Juncker sa, har vi hatt eit konstruktivt møte i dag. Begge partar har jobba hardt, sa May på pressekonferansen.
– Vi vil halde fram med forhandlingane seinare i veka. Eg har tru på at vi skal klare dette saman, la ho til.
Seinare måndag møtte Theresa May EU-president Donald Tusk.
– Tidsmarginane for ein brexitavtale begynner å bli veldig små no, men det er framleis mogeleg å få til ein avtale neste veke, sa Tusk etter møtet.
