Ikea-drapa: Gjerningsmannen var ikkje sjuk

Den mistenkte mannen gjekk rundt på varehuset Ikea i Västerås i Sverige ein seinsommardag i august, og heilt tilfeldig valde han ut den 55 år gamle kvinna og sonen hennar på 28 år som sine offer, skriv Dagensnyheter.se

– Den tiltalte har fortalt meg at han plukka ut offera sine heilt tilfeldig, seier aktor Eva Moren.

Det heile var over på eitt minutt

Dei to vart drepne med eitt stikk kvar. Kvinna døydde av eit stikk i magen, og sonen fekk også fleire slag mot kroppen. Begge døydde før ambulansen kom. Då hadde gjerningsmannen stukke seg sjølv i magen også.

– Det heile skjedde på eitt minutt, seier Moren.

Dobbeldrapet vart ikkje fanga på overvakingsvideoane til Ikea.

• Les også: Ikea-drapssiktet: – Jeg mistet kontrollen
• Les også. Øyenvitne til NRK: – Arresterte mann i 30-40-årsalderen

Hadde fått avslag på asylsøknad

Den mistenkte var å eit møte hos det svenske Migrationsverket tidlegare på dagen, og hadde fått opplyst at han vart nekta å søke asyl i Sverige. Etter møtet bestemte han seg for å drepe ein eller fleire personar, for så å ta sitt eige liv.

– Han gjorde dette fordi han var skuffa over avslaget han fekk, fortel aktor.

• Les også: – Jeg håper folk ikke skjærer alle over én kam

Forsvararen til den 36 år gamle mannen, advokat Per-Ingvar Ekblad, stadfesta at klienten hans hadde vedgått at han «ville drepe to uskuldige personar».

– Det finnast inga unnskyldning for det som har skjedd. Det er forferdeleg. På same tid kan det vere ei forklaring, seier Ekblad.

Den 23 år gamle mannen som var med 36-åringen på Ikea då han gjekk til åtak, er sjekka ut av etterforskinga.

Rettssaka startar 28. oktober.