Hundrevis demonstrerte mot koronatiltak i Stockholm

Seks politibetjentar blei skadde under ein stor demonstrasjon i Stockholm mot styresmaktene sine koronatiltak.

Denne artikkelen er over en måned gammel, og kan inneholde utdaterte råd fra myndighetene angående koronasmitten.

Hold deg oppdatert i NRKs oversikt, eller gjennom FHIs nettsider.

Demonstrasjonen var i strid med smittevernreglane, som berre tillèt at åtte personar samlar seg til arrangement utandørs i den svenske hovudstaden.

– Det er blitt ulovleg å demonstrere i desse tider. Det meiner vi er forkasteleg og i strid med grunnlova, sa arrangøren, Filip Sjöström til Expressen TV.

kJ4OrI5sbHA

Rundt 500 menneske møtte opp for å demonstrere mot koronarestriksjonar på Medborgarplatsen i Stockholm.

Foto: Henrik Montgomery/TT / NTB

Demonstrantane samla seg på Medborgarplatsen i sentrum av Stockholm ved 14-tida. Eit stort politioppbod hadde møtte fram, og etter berre nokre få minutt blei det bestemt at demonstrasjonen skulle løysast opp.

Men demonstrantane følgde ikkje politiet si oppmoding om å forlate plassen. Etter kvart byrja dei å marsjere mot Norrmalm.

Politiet prøvde å stanse dei på brua mellom Slussen og Gamla stan. Etter ei stund fekk demonstrantane halde fram mot Kungsträdgården.

Politiet melder at seks betjentar blei lettare skadde og to demonstrantar blei pågripne under demonstrasjonen.

ebb32iqf_Dc

Demonstrantane ropte slagord som «Fridom, Sverige» og «Vi har fått nok».

Foto: Henrik Montgomery/TT / NTB

Politiet opplyste på førehand at markeringa kunne haldast, men at ho ville bli oppløyst dersom fleire enn åtte personar samla seg.

– Vi har kjent til planane, og var førebudde på dette. Vi har prøvd å ha ein dialog med arrangøren, men har ikkje lukkast, sa pressetalsperson i Politiet, Mats Eriksson til SVT.

Demonstrasjonen blei arrangert av organisasjonen Fridom Sverige. Dei meiner koronarestriksjonane er eit angrep mot den fridomen folk har krav på, og krev at dei blir avvikla.

Rundt 1.000 personar hadde meldt seg på arrangementet, kalla «Tusenmannamarschen», via Facebook. Nyheitsbyrået TT sin reporter på staden meiner at rundt halvparten møtte opp.

Demonstrasjonen var over ved 16.30-tida.

Mer om koronaviruset

Status Norge

Sist oppdatert: 10.04.2021
4 590
Smittede siste 7 dager
280
Innlagte
684
Døde
835 970
Vaksinerte

SISTE NYTT

Siste nytt

Britene hedrer prins Philip

Kanoner over hele Storbritannia blir avfyrt lørdag i en hyllest til avdøde prins Philip. Det er også planlagt markeringer med ett minutts stillhet.

Vulkanutbrudd på karibiske St. Vincent – 16.000 bedt om å evakuere

En vulkan på øya St. Vincent i Karibia har sitt første utbrudd på 40 år. Utbruddet startet fredag.