Dei fleste fekk berre lettare skadar, men 13 er innlagde på sjukehus etter ulukka. To av dei har hovudskadar, medan fleire har fått skade i nakken.
Føraren av lastebilen, ein 26 år gammal mann frå Romania, er arrestert og sikta for aktlaust drap. Ulukka skjedde då lastebilføraren prøvde å kome seg over jernbanelina før bommen gjekk ned. Sjølv kom føraren seg ut av lastebilen før han vart treft av toget.
Høgfartstoget var på veg frå Roma til Lecce. Jernbaneselskapet, Ferrovie dello Stato, har sett ned ein granskingskommisjon.