NRK Meny
Normal

Heimstaten er siste sjanse for Marco Rubio

MIAMI/CLEVELAND/OSLO (NRK): Taper Marco Rubio nominasjonsvalet i heimstaten Florida, er det truleg kroken på døra. Han ligg langt bak Donald Trump på meiningsmålingane før valet i natt.

Marco Rubio på valmøte i Florida.

Marc Rubio gjer det han kan for å samle støtte i heimstaten Florida, men Donald Trump leier på meiningsmålingane.

Foto: Paul Sancya / Ap

I natt er det nominasjonsval i Florida, Ohio, Illinois, North Carolina og Missouri for både Det republikanske partiet og Det demokratiske partiet. I Det republikanske partiet vinn kandidatane med flest røyster alle delegatane frå delstatane Ohio og Florida.

Donald Trump.

Donald Trump irriterer mange, men begeistrar langt fleire i Det republikanske partiet.

Foto: Nati Harnik / Ap

Dersom Donald Trump går av med sigeren begge stader, er det sannsynleg at milliardæren og eigedomsmagnaten nærmast er sikker på å bli presidentkandidat for Det republikanske partiet.

Trump i tet i Florida

Trump leier klart på målingane i Florida, og han har derfor konsentrert valkampen om Ohio. Her får han sterkast konkurranse av guvernøren i delstaten, John Kasich. Ifølgje dei siste meiningsmålingane har Kasich ei knapp leiing på Trump her.

Å tape heimstaten Florida vil vere eit stort nederlag for Marc Rubio, som tidleg i valkampen var storfavoritt til å vinne den republikanske nominasjonskampen. Resultatet i natt kan gi han bli audmjukande for han, og det vil truleg bety at han vil trekkje seg frå kampen.

Valkamp i Florida.

Valkamp for Marc Rubio langs ein motorveg i Florida tysdag.

Foto: Andrew Wardlow / Ap

Sjølv dei ivrigaste tilhengjarane hans er i ferd med å misse håpet, men som ei av dei , Miriam Guera, seier:

– Vi kan ikkje gi opp håpet, det er det siste vi har.

Trump: – Bare en sak skiller oss

Trump: Romney ville gått ned på knærne for meg

Latino-kandidat

44-åringen er senator for Florida, og foreldra hans er kubanske innvandrarar. Han hår satsa på å vinne veljarar blant latinamerikanarar (latinos) i USA. Elles er han tilhengjar av at USA skal styrkje det militære engasjementet sitt internasjonalt.

Det kan gå same vegen med John Kasich i Ohio. Eit nederlag her vil mest sannsynleg føre til at han trekkjer seg, medan ein siger kan gi han nytt håp .

Før vala som blir avgjorde i natt, er dette stillinga i kampen om å bli republikansk presidentkandidat:

Donald Trump har sikra seg 469 delegatar, Cruz har 370 delegatar, Marco Rubio har 163 og John Kasich har 63. For å bli presidentkandidat må ein ha støtte frå 1237 delegatar.

Marco Rubio ligger an til å tape for Donald Trump, og det i sin egen hjemstat.

VIDEO: Siste sjanse for Marc Rubio

Valet i Florida.

Ein brannstasjon i Miami i Florida tener også som røystelokale for Det republikanske partiet.

Foto: Angel Valentin / Afp

Tett på den amerikanske valkampen

Handlekraft

Donald Trump har fått massiv kritikk frå mange hald , blant anna på grunn av språkbruken, utan at det ser ut til å skremme støttespelarane hans. Tvert i mot synest mange å meine at det er på tide at USA får ein president som torer å kalle ein spade for ein spade.

Mange av veljarane hans er ofte arbeidsledige eller har dårleg betalte jobbar. Dei ser på Trump som ein mann som har greidd å sikre sin eigen økonomi, og håpar at han også skal få fart på den amerikanske økonomien. Mange ser på 69-åringen frå New York som ein mann med den handlekrafta som skal til for å få USA tilbake til det landet ein gong var.

Det blir en svært spennende natt, med fem delstater som avholder nominasjonsmøter. Vinner Donald Trump skal det mye til for å stanse ham.

VIDEO. Anders Tvegård om valet i Ohio.

Laster innhold, vennligst vent..
Laster innhold, vennligst vent..

SISTE NYTT

Siste nytt