Iranske styresmakter har pågripe ei 55-år gammal amerikansk kvinne som dei mistenkjer er spion, opplyser den statseigde avisa IRAN Farsi.
Kvinna skal ifølgje avisa ha skjult spionutstyr eller ein mikrofon i tennene då ho vart pågripen i grensebyen Nordouz, 600 kilometer nordvest for hovudstaden Teheran.
IRAN Farsi melder at kvinna kom inn i landet over grensa frå nabolandet Armenia utan visum.
Fjerde på to år
I 2009 vart ein amerikansk journalist og tidlegare misse-kandidat dømd til åtte års fengsel for spionasje.
Kvinna som no er pågripen, er den fjerde amerikanaren som er arrestert og skulda for spionasje på mindre enn to år.
I juli blei amerikanarane Sarah Shourd, Josh Fattal og Shane Bauer arresterte og skulda for å ha teke seg inn i landet ulovleg over grensa frå nord-Irak.
USA har avvist påstandane om spionasje, og seier dei tre var uskuldige fotturistar. Sarah Shourd vart sleppt fri i september i fjor. Mannen ho er trulova med,
Shane Bauer og venen Fattal sit framleis fengsla i påvente av ei rettssak