Ein statleg russisk TV-kanal kringkasta søndag bilete av det som blir framstilt som eit bevis for at det var nasjonalistiske krefter som stod bak drapa nær Slavjansk aust i Ukraina søndag morgon: eit visittkort som angiveleg skal ha blitt funne på drapsstaden.
Det raude og svarte visittkortet som russarane hevdar knyter ukrainske nasjonalistar til åstaden, tilhøyrer Dmytro Yarosh.
Den hittil relativt ukjende leiaren av den nasjonalistiske ukrainske «Høgresektoren» har følgeleg fått massiv omtale i både media så vel som sosiale media i løpet av det siste døgnet.
Visittkortet skal nemleg også ha blitt funne inne i eit køyretøy som var fullstendig utbrend etter å ha teke fyr under skotvekslinga.
På internett florerer det hånande manipulerte bilete der visittkortet blant anna blir plassert i samanheng med mange av verdas uoppklarte mysterium (sjå fleire døme frå Twitter nedst i saka).
– Iscenesett av Kreml
Minst tre prorussiske separatistar vart drepne i skotvekslinga nær byen som separatistane tok kontrollen over onsdag.
Utanriksdepartementet i Russland er rasande, og meiner drapa er ein provokasjon som viser at Ukraina ikkje etterlever Geneve.-avtalen som blei inngått torsdag. Ukraina, Russland, EU og USA forpliktar seg i avtalen til å dempa spenningsnivået rundt situasjonen i Ukraina.
- LES OGSÅ: Beskylder Yarosh for terror-planlegging
Ein talsmann for den til dels ekstremistiske ukrainske Høgresektoren slår tilbake mot skuldingane i eit intervju med den ukrainske TV-kanalen, Kanal 5.
Han hevdar Kreml har «iscenesett ei provokasjonshandling». Han viser også til at visittkortet angiveleg skal ha blitt funne i eit utbrent køyretøy og kallar dei russiske skuldingane «heilt absurde».
Visittkortet til Yarosh blir no plassert inn i dei mest absurde situasjonar, og har til og med fått sin eigen Twitter-profil.
