Ein felles talsmann for dei åtte eksilgruppene, Khaled Abdel-Majid, seier at dei vart samde om dette etter eit møte i Damaskus i dag.
- Det egyptisk-franske forslaget vil ikkje hjelpe til å finne ei løysing, sidan det er ein trussel mot motstandskampen. Dessutan vil det gjere det mogleg for fiende å halde fram aggresjonen, seier talsmannen.
Dei åtte palestinske gruppene avviser også utanlandske styrkar eller observatørar i Gaza, fordi dei vil vere med på å styrkje okkupanten (Israel) og oppretthalde blokaden.
Den israelske forhandlaren Amos Gilad er i Kairo for å diskutere forslaget med sjefen for den egyptiske etterretninga og andre høgtståande tenestemenn.
Statsministeren sitt kontor i israel har gitt uttrykk for håp om at det egyptisk-franske forslaget skal gjere det mogleg å få til ein situasjon som kan tillate Israel å avslutte aksjonen mot Gaza.
Både Israel og dei palestinske sjølvstyresmaktene har sagt at dei er positive til forslaget, men det har liten verdi om ikkje det er mogeg å få også Hamas med på ein avtale.
I dag var det dei hittil største anti-israelske demonstrasjonane i Damaskus etter angrepet på Gazastripa.
