Tidlegare i dag greidde fleire tusen islamistar å hindre at grunnlovsdomstolen kunne kome saman for å drøfte legitimiteten til parlamentskomiteen som har utarbeidd forslag til ny grunnlov.
Dei aller fleste medlemene av gruppa høyrer til partiet til presidenten, Den muslimske brorskapen og dei endå meir ytterleggåande salafistane. Dei andre medlemene har i stor grad trekt seg på grunn av det dei oppfattar som ein islamistisk dominans i komiteen.
- Fysisk og psykisk press
I føremiddag regelrett tvang demonstrantane dommarane til å utsetje høyringa, som skulle vurdere legitimiteten til det islamistdominerte overhuset i parlamentet og panelet som har skrive den nye grunnlova.
I ei fråsegn frå grunnlovsdomstolen, som er den høgste domstolen i Egypt, at dei stansar arbeidet sitt inntil dei kan halde fram med oppgåvene sine utan å måtte oppleve fysisk og psykisk press.
I dag er ein svart dag for domstolane i Egypt. Domstolen registrerer med djup sorg og smerte dette forsøket på eit psykologisk attentat mot dommarane, heiter det vidare i fråsegna.
Presidenten og støttespelarane hans meiner at grunnlovsdomstolen er dominerte av dommarar som støtta det gamle regimet til Hosni Mubarak.
Djup splitting
Islamistar stansa grunnlovsdomstolen sitt arbeid i Kairo søndag.
Foto: GIANLUIGI GUERCIA / AfpKonflikten mellom domstolen og islamistane reflekterer den djupe splittinga det er i det egyptiske folket om den politiske framtida til landet. I fleire dagar har den sekulære og demokratiske opposisjonen i Egypt halde store demonstrasjonar på Tahrirplassen i Kairo i protest mot president Morsi.
Fleire hundre tusen menneske har delteke i demonstrasjonane, og i går tok islamistane til gatene for å vise si støtte til presidenten.
Opposisjonen meiner at president Morsi har brukt revolusjonen i Egypt til å skape eit nytt diktatur, denne gongen med islamistisk forteikn.
Det er varsla folkerøysting om det nye grunnlovsforslaget seinare denne månaden.
LES OGSÅ:
LES OGSÅ:
LES OGSÅ:
LES OGSÅ:
