NRK Meny
Normal

Gret for lærerinna som døde i terroren

MOLENBEEK, BRUSSEL (NRK): Ibrahim ben Heddo brast i gråt under fredagsbøna. Han har mista ein kjær ven, ei lærarinne som var godt likt i heile Molenbeek.

Fredagsbønn i Khalil-moskeen i Molenbeek i Brussel

FULLPAKKA: Det var fullpakka i al Khalil moskeen i Molenbeek. Temaet for bøna var å ta avstand frå terroren.

Foto: Roger Bruland / NRK

– Det er ei stor sorg, vi klarar ikkje akseptere det, fortel ben Heddo til NRK.

Ibrahim Ben Heddo gret i Khalil-moskeen i Brussel

Ibrahim bein Heddo tek til tårene under fredagsbøna. Han arbeider sjølv på metroen, og tok dødsfallet til ei ung lærarinne i lokalmiljøet svært tungt.

Foto: Roger S. Bruland / NRK

Han arbeider sjølv på metroen. Etter han såg dei første bilda frå terroraksjonen, har han ikkje klart å få sove.

– Eg gret ikkje berre for lærarinna Loubna Lafquiri, eg gret for alle som vart drepne.

Det er vanskeleg å halde tårene tilbake når han byrjar å snakke om dei tre borna til Loubna.

Loubna Lafkiri /Lafquiri

34 år gamle Loubna Lafquiri døde på metroen i Brussel. Ho lét etter seg mann og tre barn.

Foto: Privat twitter

– Ho var ikkje berre ein populær lærar, ho var også fritidsleiar etter skuletid, fortel han.

Brussels største

Det var her i Khalil-moskeen, som er Brussels største med plass til 1000 truande, at broren til Saleh Abdeslam brukte å gå, før han sprengde seg sjølv i lufta i Paris i november i fjor. Saleh vart arrestert sist torsdag. Sidan har det vore to store terroranslag.

Moskeen ligg i ein fabrikkliknande bygning, og er den største av i alt 21 moskear i bydelen Molenbeek. Bydelen er dominert av innvandrarar frå Nord-Afrika, særleg Marokko. Moskeen tek imot ikkje statsstøtte, og dei har ikkje opne rekneskap. Men mange slike moskear er kjende for å ta få støtte frå wahabbistar i Saudi-Arabia. Det er ingenting som tilseier at moskeen støtter islamistar.

I dette huset i Molenbeek ble Salah Abdeslam arrestert fredag for en uke siden.

I dette huset i Molenbeek vart Salah Abdeslam arrestert fredag for ei veke sidan.

Foto: ERIC VIDAL / Reuters

Mange av dei som kom for å be i Khalil-moskeen i dag, meinte media teiknar eit alt for negativt bilde av bydelen. NRK brukte nokre timar i Molenbeek, og inntrykket var at folk er gjestfrie.

Samtidig ligg det ein skugge over nabolaget etter at det vart kjent at mange gjerningsmenn frå terrorangrepa i Paris og Brussel kjem frå akkurat Molenbeek.

Fordømte terroren

Imam Mohamed Tojgani tok sterk avstand frå terrorangrepa under fredagsbøna.

Imam Mohamed Tojgani i Khalil-moskeen i Molenbeek i Brussel

Imam Mohamed Tojgani tok avstand frå terroråtaka i fredagsbøna.

Foto: Roger S. Bruland / NRK

– Dette er feige åtak utført av grufulle barbarar, sa imamen.

Imamen sa at dei ikkje godtar slike handlingar som han seier er heilt fjernt frå det koranen handlar om.

– Våre tankar går til ofra for åtaka, og vi ønskjer å bere fram våre ektefølte medkjensle til familiane og til dei som vart såra i åtaka.

Han streka under at alle medlem i forsamlinga, muslimar og borgarar av Belgia, står saman om å støtte fredeleg sameksistens.

– Våre verdiar er toleranse og gjensidig respekt. Vi tek avstand frå alle former for vald og hat som forstyrrar harmoni og orden.

Imamen sa og at dei stør det belgiske politiet som gjer det dei kan for å sikre tryggleik og stabilitet i landet, og til alle naudetatane som forsøker å reparere fysiske og psykiske skadar på ofra for tragedien.

Laster kart, vennligst vent...

I bydelen Molenbeek, aust for Brussel sentrum, ligg den største moske i Belgia.

Laster innhold, vennligst vent..
Laster innhold, vennligst vent..

SISTE NYTT

Siste nytt