Det har vore harde forhandlingar mellom fleire store fagforeiningar og representantar for regjeringa. Kabinettsekretær Francis Maude og statssekretær Danny Alexander i Finansdepartementet seier at samtalane med fagforeiningane har vore konstruktive, medan ein representant for fagforeningane kallar samtalane ein farse.
Står langt frå kvarandre
Brendan Barber er sjef for samanslutninga av britiske fagforeiningar, TUC.
Foto: SUZANNE PLUNKETT / ReutersLeiaren for samaslutninga av britiske fagforeningar, The Trades Union Congress, Brendan Barber, sa etter forhandlingane at det er mogleg å få til semje på ein del punkt, men at partane framleis står langt frå kvarandre i dei viktigaste sakene.
750.000 lærarar, forelesarar ved universitet og høgskular og offentlege tenestemenn blir tekne ut i streik. Dette vil fullstendig lamme skuleverket domstolane, køyreskular og offentlege jobbsenter i England og Wales, melder Sky News.
Statssekretær Danny Alexander i Finansdepartementet vekte sinne blant offentleg tilsette tidlegare denne månaden då han gjorde det klart at regjeringa vil presse på for å få offentleg tilsette til å betale meir for sin eigen pensjon, i tillegg til å heve pensjonsalderen.
Truar med generalstreik
Og den varsla streiken torsdag kan berre vere byrjinga. Fagforeningsleiaren Dave Prentis har åtvara om at han vil ta ut over ein million tilsette i privat sektor om det ikkje blir ei løysing på usemja mellom fagforeningane og regjeringa.
Han seier at ein eveentuell streik til hausten kan blir den største i Storbritannia sidan den store generalstreiken i 1926.
LES OGSÅ:
LES OGSÅ:
LES OGSÅ:
