Saif-al-Islam er ein av sønene til Muammar Gaddafi. Han oppheld seg truleg saman med faren.
Foto: PAUL HACKETT / Reuters- Eg er klar for ein lang kamp, trass i at Libya står i brann, seier han ifølgje den syriske fjernsynskamaløen al-Rai.
Gaddafi sende ut ei fråsegn om dette i ettermiddag. Her åtvarar han om at ørkenstammame som støttar han, er væpna og vil halde fram kampen. Det går rykte om at han vil halde ein radiotale seinare i dag.
- Hald fram kampen
Den libyske leiaren, som oppheld seg på ukjend stad etter at opprørarane tok kontroll over hovudstaden Tripoli, ber tilhengjarane sine om å halde fram motstanden.
- Sjølv om de ikkje høyrer røysta mi, så hald fram motstandskampen, heiter det i fråsegna frå Gaddafi. I dag er det 42 år sidan Muammar Gaddafi tok makta i Libya i eit militærkupp.
Han held fram:
Saadi Gaddafi har sagt at faren vil forhandle om å overgi seg.
Foto: GIAMPIERO SPOSITO / Reuters- Vi vil aldri gi opp. Vi er ikkje kvinner. Vi vil halde fram kampen, vi er ikkje slavar, heiter det i eit sitat som er sendt ut på den syriske fjernsynskanalen al-Rai.
Gaddafi seier også at det er ei djup splitting mellom opprørarane og NATO.
- Om dei vil ha ein lang kamp, la han bli lang. Om Libya brenn, så la det brenne, seier han i bodskapen sin.
Samstundes kjem det meldingar om at nye nære medarbeidarar av Gaddafi har gått over til opprørarane, blant andre statsministeren.
Kan vere i ørkenby
Ein talsmann for opprørarane har peika ut , rundt 150 kilometer sør for Tripoli, som Gaddafis gøymestad. Her skal han opphalde seg saman med sonen Saif al-Islam og den tidlegare etterretningssjefen Abdullah al-Senoussi.
Tidlegare har ein annan son, den tidlegare fotballspelaren Saadi, sagt at faren ynskjer å forhandle med opprørarane. Dette blir avvist av Saif al-Islam, som også har mana til å halde fram kampen.
Muammar Gaddafi nektar å gi opp. I dag er det 42 år sidan han tok makta i Libya i eit militærkupp.
Foto: YVES HERMAN / REUTERSI dag vart det klart at EU oppheva alle sanksjonar mot Libya, og at Russland har offisielt godkjent opprørsrådet som dei offisielle makthavarane i det nordafrikanske ørkenlandet.
Uklart om utvida frist
Opprørarane skal i dag også ha sagt dei gir dei Gaddafi-lojale ei vekes ekstra tid til å overgi seg. Den opprinnelege fristen for å overgi seg går ut laurdag. Mange av opprørarane har forskansa seg i hamnebyen Sirte, som også er fødebyen til Muammar Gaddafi.
Men andre kjelder blant opprørarane seier at det ikkje er snakk om å gi Gaddafi-styrkane utvida frist, og at dei no kuttar straum- og vassforsyninga til byen.
I dag har også EU-leiarane blitt samde om å bli i Libya til .
