Gaddafi-soldatar inntek ny by

Tarek Abdullah seier på telefonen til nyheitsbyrået Reuters at regjeringsstyrkane har innteke byen med stridsvogner.

Ei anonym kjelde seier til nyheitsbyrået AFP at det er nokre få opprørarar som gjer mostand, men at motstanden ikkje er alvorleg. Det vart i ettermiddag meldt om heftig skyting i byen, men rapportar i kveld tyder på at situasjonen i byen rolet. Truleg har regjeringssoldatane teke kontroll over byen.

I kveld møtte Libyas utanriksminister Musa Kusa FNs spesialutsending til Libya, Abdullah al-Khatib, tidlegare utanriksminister i Jordan.

FN-utsendingen kravde slutt på all bruk av vald i Libya og fri tilgang for humanitære organisasjonar til å drive hjelpearbeid. Dei to skal ha eit nytt møte tysdag.

LES OGSÅ: Tapet nærmer seg med stormskritt

Vil reinske byen

Ei kjelde i regjeringa til Muammar Gaddafi seier at regjeringsstyrkane har som mål å reinske Zuwahra for opprørarar. Samstundes førebur opprørarane seg på kampar i den strategisk viktige byen Ajdabiyah.

I helga inntok regjeringsstyrkane oljebyen Ras Lanuf. Det skal framleis vere kampar i byen Brega, medan det også er aukande frykt i den viktigaste byen under opprørar-kontroll, Benghazi.

Dette skjer samstundes som både Tryggingsrådet i FN og G8-landa i kveld diskuterer innføring av ei flyforbodssone over Libya. Men medlemslanda greier ikkje å bli samde.

USAs utanriksminister Hillary Clinton skal i kveld møte ein utsending frå det libyske opposisjonsrådet, Mahmoud Jibril, i Paris. Det er venta at han vil ble USA om militær hjelp mot Gaddafi-regimet.

Lunken til flyforbod

USA har hittil vore lunken til å engasjere seg militært i Libya, det same gjeld Russland. Kina har stilt seg avvisande. Desse tre landa har vetorett i Tryggingsrådet. Dermed ser det ikkje ut til å resolusjonsforslaget frå Frankrike og Storbritannia om innføring av ei flyforbodssone kan bli vedteke med det første.

Medlemslanda i Den arabiske liga bad laurdag Tryggingsrådet om å innføre eit flyforbod.

Også blant G8-landa, som også held møte i Paris, er det skepsis til å innføre flyforbod over Libya. Tysklands utanriksminister Guide Westerwelle, har gjort det klart at Tyskland ikkje har tenkt å involvere seg i ein borgarkrig i Nord-Afrika.

Norsk Røde Kors har utsett avreisa for eit helseteam som skulle ha reist til Benghazi i helga, melder NTB.

- Vi ser ei rask forverring av tryggingssituasjonen, med fare for at Gaddafi-styrkar vil bombe byen, seier generalsekretær Børge Brende i Røde Kors.

Vil forsvare Ajdabiyah

Tidlegare innanriksminister Abdel fatah Yunis, som no er opprørsleiar, seier at dei kjem til å forsvare Ajdabiyah.

Opprørarane har framleis kontroll i nokre byar i vest, først og fremst Misrata, ein hamneby mellom hovudstaden Tripoli og Gaddafis fødeby Sirte.

Byen som vart innteken i dag, Zuwarah,har 20.000 innbyggjarar, dei fleste av dei er berbarar. Berbarane utgjer rundt 10 prosent av innbyggjarane i Libya, men Gaddafi skal tidlegare ha nektar for at det er ein berbisk minoritet i landet.

Berbarane har klaga over maginalisering, og at dei er frårøva sin eigen kultur og sitt eige språk.

LES OGSÅ: Al Qaida: – Fortsett å slåss mot Gaddafi

LES OGSÅ: By reinska for libyske opprørarar

LES OGSÅ: Den arabiske liga støtter flyforbud

LES OGSÅ: Gaddafi-styrker fortsetter presset mot opprørerne