Sist helg deltok Brende på eit møte Det internasjonale Røde Kors i Doha, for å koordinere hjelpa til dei to millionar menneska som er på flukt etter flaumen i Pakistan tidlegare i år.
LES OGSÅ:
LES OGSÅ:
Tragiske konsekvensar
- Både verdssamfunnet og pakistanske styresmakter må auke innsatsen for at vi skal unngå tragiske konsevensar, seier Børge Brende.
Den tidlegare Høgre-politikaren teiknar eit dystert bilete av situasjonen i Pakistan. Han peikar på at landet står overfor tre katastrofar, som alle har ulike behov når det gjeld hjelpeinnsats.
I den nordvestlege delen av landet er det mange av dei flaumramma som går ein hard vinter i møte utan skikkelege stader å bu.
I Punjab er meste parten av jordbruksområda øydelagde og dekka av gjørme.
LES OGSÅ:
Matjorda er borte
I den sørlege delen av landet står store delar av Sindh-provinsen framleis under vatn, og matjorda er borte.
- Røde Kors har alt hjelpt ein millionar menneske med mat. I tida som kjem vi til å levere ut vinterly til ein million menneske. Spesielt i dei nordlege fjellområda i Pakistan er folk uroa for om dei kjem til å overleve den kalde vinteren, seier Brende.
Han fortel at målet til Røde Kors er å hjelpe to millionar menneske i løpet av dei neste 18 månadene. HIttil har vel ein million fått hjelp. Familiane får utdelt mat for ein månad om gongen, og det er i hovudsak Sukker, mjøl, ris, te, salt, olje, kikerter og bønner.
LES OGSÅ:
LES OGSÅ:
Psykososial støtte
Røde Kors i Noreg driv saman med systerorganisasjonen i Canada ein mobil helseklinikk i den sørlege Sindh-provinsen. Her har over 3500 menneske fått medisinsk behandling, og over 8000 har fått psykososial støtte av helsearbeidarar frå Sverige og Noreg.
Børge Brende oppmodar folk om å gi pengar til
sin aksjon for flaumoffera i Pakistan.