Frustrerte flyktningar har byrja å gå til Wien

Flyktningane utanfor togstasjonen Keleti i Budapest seier at dei er leie av å sitje fast i Budapest. Det skriv nyheitsbyrået AP.

Ifølgje AP har dei samla saman tinga sine, og lagt ut på den 24 mil lange turen til Austerrike.

I dagevis har ungarsk politi hindra flyktningane frå hovudsakleg Syria i å reise til Austerrike og Tyskland med tog.

• Les også: – Flyktningkrisen blir den store testen for EU
• Les også: FN ber EU ta i mot 200 000 flyktningar

5600 flyktningar inn i Makedonia

Om lag 5600 nye flyktningar tok seg inn i Makedonia frå Hellas i går, torsdag, opplyser FN.

Det opplyser Melissa Flemming, som er talsperson for FN sin høgkommissær for flyktningar.

– Det er absolutt ein dramatisk situasjon, seier Flemming. Ho understrekar at Makedonia berre er eit transittland, og at dei aller fleste av flyktningane prøvar å ta seg vidare.