NRK Meny
Normal

Førebur seg på fleire flyktningar før burundisk val

Meir enn 80.000 menneske har flykta frå uroa i Burundi, opplyser Unicef. På fredag er det parlamentsval i landet, og hjelpeorganisasjonar førebur seg på fleire flyktningar.

BURUNDI-POLITICS/ PLAN INTERNATIONAL handout photo shows refugees from Burundi who fled the ongoing violence and political tension arriving at the Nyarugusu refugee camp in western Tanzania

50.000 av dei 80.000 som har flykta frå Burundi er komne hit til Nyraugusu i Tanzania. No fryktar hjelpeorganisasjonar at endå fleire kan kome, på grunn av parlamentsvalet i Burundi på fredag.

Foto: HANDOUT / Reuters

Jørgen Haldorsen

Jørgen Haldorsen er landssjef i Plan Norge.

Foto: PLAN

– Situasjonen er veldig alvorleg. Flyktningane er heilt avhengige av naudhjelp for å få dekka sine basisbehov, seier landssjef for Plan International i Tanzania, Jørgen Haldorsen.

Kolerautbrot

Han har pakka kofferten og er klar for å reise ned att til Tanzania, der han mellom anna jobbar med å legge til rette for å hjelpe menneske i flyktningleiren Nyarugusu i det nordvestlege Tanzania.

BURUNDI-POLITICS/CHOLERA A general view shows Burundian refugees receiving treatment at a makeshift clinic at the Lake Tanganyika stadium in Kigoma western Tanzania

Det er ikkje den beste sjukestove, man under dette taket får folk behandling for kolera, ein epidemi som er brote ut i flyktningleiren.

Foto: THOMAS MUKOYA / Reuters

I flyktningleiren, der det bur rundt 50.000 menneske, har det vore eit alvorleg utbrot av kolera som allereie har kosta mange menneskeliv. Dei fleste av flyktningane er barn, og kvinner som har flykta frå uroa i heimlandet Burundi.

Haldorsen fortel at det er eit særskild fokus på å hjelpe barna i leiren.

– Barn er særskild utsette i situasjonar som dette. Me set opp trygge soner for barn i campane. Det er mange barn som reiser på eigehand, seier landssjefen.

BURUNDI-POLITICS/ PLAN INTERNATIONAL handout photo shows a refugee boy from Burundi who fled the ongoing violence and political tension washing his hands at the Nyarugusu refugee camp in western Tanzania

Dei fleste av dei 80.000 som har flykta frå Burundi er barn.

Foto: HANDOUT / Reuters

Førebur seg på fleire flyktningar

No førebur Plan og fleire andre hjelpeorganisasjonar seg på det kommande parlamentsvalet i Burundi den 5. juni. Det er frykt for at uroa kan blusse opp att på ny fram mot valet.

– I tillegg til å gje naudhjelp til dei som allereie har flykta, så legg me også planar for det som kan skjer. Tala på folk som flyktar går nedover no, men det er ikkje usannsynleg at fleire kan krysse grensa. Campen er allereie full, og om fleire kjem inn så vert det endå meir kritisk, seier Haldorsen.

Parlamentsvalet som skal finne stad på fredag var først planlagd til 26. mai, men vart flytta på grunn av uroa.

BURUNDI-POLITICS/ PLAN INTERNATIONAL handout photo shows refugees from Burundi who fled the ongoing violence and political tension at the Nyarugusu refugee camp in western Tanzania

Kvardagen er ikkje heilt som før for menneska i flyktningleiren Nyaragusu.

Foto: HANDOUT / Reuters

Austafrikanske leiarar vil utsette

Men det er først og fremst presidentvalet som er planlagd til den 26. juni som er omstridd, og mange meiner at også det må bli utsatt.

I førre veke møttest toppleiarar frå fleire austafrikanske land for å diskutere krisa i Burundi. Der kom dei fram til at dei anbefaler å utsette valet, noko også regjeringa i Burundi har opna for å gjere.

Den siste veka har det ikkje vore like uroleg som før, men det er likevel fleire som meiner at tilhøva ikkje er gode nok til å gjennomføre eit val.

Laster innhold, vennligst vent..
Laster innhold, vennligst vent..

SISTE NYTT

Siste nytt