- USA bad i ettermiddag Tryggingsrådet om raskt å kome fram til ein resolusjon som inkluderer ei flyforbodssone, men som også inneheld andre verkemiddel, seier ei høgtståande kjelde i amerikansk UD.
Frankrike og Storbritannia har sagt at dei ventar ei avrøysting klokka 23 i kveld norsk tid.
Militæraksjon
Ei fransk kjelde seier til nyheitsbyrået AFP at Frankrike, Storbritannia, sannsynlegvis USA og fleire arabiske land vil delta i ein eventuell militær aksjon mot Libya.
Den same kjelda seier at ein intervensjon vil kunne skje «få timar» etter at resolusjonen er vedteken i Tryggingsrådet.
Om ein resolusjon om ei flyforbodssone blir vedteken, vil det truleg innebere bombing av libyske militære installasjonar.
Ein libysk regjeringstalsmann seier at FN-støtta militær aggresjon mot Libya vil vere både umoralsk og i strid med internasjonal mål. - Det er snakk om ein væpna oppstand, og alle land ville ha kjempa mot det, seier talsmannen.
Den amerikanske generalen Norton Schwarts seier at det ikkje er nok å stanse det libyiske flyvåpenet, og at det kan bli nødvendig med andre tiltak for å få regjeringsstyrkane til å trekkje seg tilbake.
Kina og Russland
Eit stor spenningsmoment er korleis Kina og Russland, som begge er vetokamter, vil stille seg til eit forslag om å innføre ei flyforbodssone. Begge land har tidlegare uttrykt skepsis.
Tidlegare har Den arabiske liga bede Tryggingsrådet om å vedta ei flyforbodssone over Libya.
Libyske styresmakter gjorde det tidlegare i dag klart dei vil
søndag for å gi opprørararne ein sjanse til å overgi seg. Det er elles motstridande meldingar om den militære situasjonen på bakken.Opprørarane hevdar at dei i dag har skote ned to libyske krigsfly i løpet av torsdag. Dette er ikkje stadfesta at uavhengige kjelder.
- Libyarar under angrep
Nyheitsbyrået Reuters har sett forslaget til Libya-vedtak som no verserer i FN-bygningen i New York. Dersom resolusjonen blir vedteken vil arabiske land og andre land, i samarbeid med FN, ha ein autorisasjon til å verne libyarar under angrep, og dette vil også gjelde opprørsbastionen Banghazi.
Teksten utelukker at det skal setjast inn ein okkupasjonsstyrke i Libya.
LES OGSÅ:
LES OGSÅ:
LES OGSÅ: