Fire menn gjengvaldtok og brente ei kvinne levande i India

– Fire menn er arresterte, og dei har erkjent seksuelt overgrep mot offeret, fortel politiinspektør Venkatesh til CNN.

Fordi mennene brukte vald, skal kvinna ha vore delvis medvitslaus etter overgrepet som skjedde i byen Hyderabad onsdag.

– Dei køyrde henne i lastebil til ein annan stad. Der la dei henne under ei bru, helte bensin over henne og brente kroppen, fortel Venkatesh.

Kvinna døydde etter hendinga.

På grunn av omfattande brannskadar kunne ikkje medisinske undersøkingar konkludere med at ho hadde vorte valdtatt.

Ifølgje tal frå nyheitsbyrået DPA vart 33.658 kvinner og jenter valdtatt i India i 2018, men det blir antatt å vere store mørketal.